《東張西望》六月尾報道，觀塘有住宅竟然有住戶接近三個月電梯不能正常使用，《東張西望》跟進時，管理公司誓神劈願說會跟進，但住戶再次報東張投訴，壞𨋢的情況在報道後仍然持續，轟管理公司講大話，「東張+」記者向機電工程署查詢，機電工程署隨即派職員到場了解情況，確認受損問題。
機電工程署回覆說：「本署接獲觀塘寶珮苑寶瑚閣升降機損壞的投訴後，隨即派員到場了解情況，發現上址4部升降機中有3部因鹹水缸漏水而受損，損壞程度不一。其後，大廈管理處安排註冊升降機承辦商為受損的3部升降機按優先次序展開維修工作，相關維修工作已分階段完成，升降機已陸續恢復正常運作。」
機電工程署又提醒，若住戶發現升降機運作異常，應盡快通知管理處。管理處作為升降機負責人，須即時聯絡註冊升降機承辦商跟進，並盡快進行檢查及必要維修，以確保升降機安全運作。
同樣地，若升降機因水浸導致損壞，升降機負責人亦須安排註冊升降機承辦商為升降機進行全面檢查及必要維修，以確保升降機安全運作。如有需要，升降機負責人可另行聘請獨立顧問公司或專業人士，就有關維修工程提供專業意見。
《東張西望》六月尾報道，受影響的高層住戶Carman自從三月開始，就經歷電梯惡夢，因為鹹水泵漏水，令三部電梯受損，結果這幾個月來，經常有困𨋢、停𨋢等等情況，唯一運作的電梯只能服務地下至18樓，令19至35樓的住戶經常「返唔到屋企」。《東張西望》介入後，管理公司本來說會積極跟進，但升降機繼續壞！
「東張+」記者向管理處查詢，一名姓余的經理聲稱升降機運作正常，更說知道《東張西望》派人採訪後，已經召開居民大會商討如何修理。不過觀眾住戶回應時非常氣憤：「我再問同之前水浸有冇關係，佢唔敢講冇關係！所以根本就係因為水浸過，所謂更換晒啲零件，其實不是，升降機亦因為咁三日唔埋兩日就壞才是事實！管理公司對傳媒擘大眼講大話也是事實！」