貫徹《東張西望》宗旨，我們繼續發掘好人好事！
facebook群組「大埔TAI PO」一則帖文提到，發帖者表示「好想多謝呢位的士哥哥🙏🏻」。事緣該位網民講述遇到良心一位司機，話說「今朝大約7:56，係那打素醫院上的士，送2個小朋友返學，係富善商場的士站落車，上左車先發現得10幾蚊係身😅，期間詢問司機有無電子支付，我電話過數轉帳返比佢，佢話唔洗，我話一係留個聯絡，我比返車錢，佢都話唔洗，我而家好想搵返呢個好心嘅的士司機哥哥，比返車錢，希望你有用FB會睇到🙏🏻。P.S.我唔知道可唔可以公開個車牌🧐🤔」
「的哥」好人好事｜證明電子支付嘅重要性
事實上，近年一眾「的哥」的士司機的評語確實麻麻，除了年紀偏大，屢次發生「車親人」意外；「的哥」服務態度差亦是令整體的士行業質素下降的主要原因。今次看到這則好人好事，相信能挽回不少的士司機的面子！
翻看留言，網民反應似乎有人歡喜有人愁，有不少網民也是幸運兒，紛紛分享幸福經歷：「我都試過，落車先發覺無帶銀包，搭咗$30。個女司機又係唔收我錢，我試過網上尋車，但揾唔到個司機比返錢佢」。另一位幸運兒再分享：「我都遇過同樣經歷，我話身上冇晒港幣，得返人民幣，話電子付款俾佢，佢話佢冇用，俾人民幣佢話唔收，話免費車我一程（當時我同樣身邊有幾個小朋友）真係好感激佢。」
「那次去醫院急診，太趕身上得500蚊紙，落車冇錢找，又冇電子支付，個司機話睇病要緊，揮一揮手，留下感動的我，大埔20載第一次遇到。」、「綠的司機通常都幾好人👍」。
「的哥」好人好事｜有人歡喜有人愁：問佢收唔收人民幣一對一 仲要比佢X
當然有網民與好人好事無緣，搞笑分享：「我係大埔真係未遇過🤣🤣我試過去到火車站先發覺唔夠錢，問佢收唔收人民幣一對一 仲要比佢X🥹。」、上次急症撘的士去那打素，車費35.2 （好似係） ，畀咗40蚊佢，佢找返4蚊我😭唔太記得實際數，總之爭我0.4，但病到死死下冇力爭取。」