香港地，尤其食肆餐廳，近年的確搵食艱難，不過仍然有創業心的老闆用心開店，最正是「新開張益街坊！」要有噱頭先吸到新客！
新開張益街坊｜只要有心人人都有蛋食！
有網民在Threads觀塘美食群組內發帖，搞笑稱，「個老闆係咪傻？」
究竟所為何事呢，細心看看發帖者拍低的宣傳廣告，原來該新店寫着，落單之後係門口大叫「好好味呀！」即送醉流心蛋一隻！仲溫馨提示講多句，只要有心，人人都有蛋食！
係真唔係先，大大聲《食神》式叫「好好味呀！」就有贈品，小編夠大聲呀，我又要大叫！
新開張益街坊｜不如大家鬆一鬆 一起大聲X叫！
不如睇下有無網民真係「中獎」先！有網民證實真相，驗證成功興奮表示：「啱啱先嗌完就見到個post，真係即送粒蛋 cs🤣🤣🤣 」
原來是真的！網民講了重點，「攞正牌x叫」、「E人福利！」、「我I人都想X下。」、「唔講會唔會質我食煙頭，叫好好味叫到滿意為止。」咁都畀你唸到，勁呀！
學網民話頭，我是I人即刻變E人！、叫到老闆滿意為止？咁又係呀，香港人太大壓力，不如大家一起鬆一鬆，當溫故知新經典電影對白都好。學呢個網民講，「我唔係想貪隻流心蛋，但我純粹想去嗌一嗌！」我贊成！
圖片來源：threads