小編一年四季傳統節日，最喜歡中秋節！因為各式各樣的燈籠好美美以外，還可以到公園、商場欣賞燈飾和燈籠佈置，一邊吃月餅賞月，一邊打卡最啱！
香港中秋好去處｜香港公園門口有巨型兔兔和金魚
有網民在社交平台Threads發了短片，寫上：「中秋過嚟打卡夠浪漫。」
睇下條片講邊到先，望落去相信是香港公園近紅棉路其中一處大門口位，片中拍得有中秋主題綵燈亮燈應節，有巨型白色兔兔燈籠、巨型金魚燈籠，和傳統花飾燈籠等，整齊掛於門口上空，望上去簡潔得來好靚，確實幾浪漫！
香港中秋好去處｜網民擔心超級颱風打到嚟
見到靚靚燈飾，網民不忘多謝樓主分享短片，「好靚。多謝你又分享咁靚嘅地方同靚相。」但更多網民擔心下周三預計超強颱風「樺加沙」襲港，兔兔和金魚點算好？
「星期三吹散晒」、「希望打風都打唔甩」。小編都要向兔兔和金魚講聲加油，頂住啊！
圖片和短片來源：threads