國有國法，家有家規，從小我們便知道。每個屋企有特定的規矩要嚴格遵守，小編明白的。有時，亦都是一個家庭增進感情的方法。不過，近日在社交平台threads看見趣聞，相信是一位中五生，拍下家中的「震撼家規」分享！
該名網民還搞笑配文申冤：「屋企有咁嘅規矩，係咪打破全港99.9%嘅中學生？自己本身零用錢就得$1200 ，仲要包埋車費飯錢！重點我係中五。」
屋企震撼規條Level Up｜返學遲到犯下天條
等小編了解一下先，看圖識字，該網民家人的「震撼家規」確實幾爆破，等小編節錄一點點畀大家睇睇，難怪中五生會發文訴苦，例如，家規中如撒謊欺騙、無故發脾氣、沖涼超過半小時等旁人眼中的「一件小事」，但原來在其家中，已經犯規，扣5分唔該！
你以為已經騎呢到犯晒規？未算，真正犯下天條的是返學遲到，扣10分！另外，十點前未能將電子產品放入老闆房間，父母自稱「老闆」麼？好夠震撼。
屋企震撼規條Level Up｜家規是有嘉許的 買餸煮飯加15分
「震撼家規」是有備註，原來每條規條後的數字是代表加減積分，1個積分等於1元，每月1號允換一次，逾期不候。不過，家規是有嘉許的，例如，「同事」請假代買餸煮飯，可以加15積分！「同事」請假代洗碗，加6分 ！
又老闆又同事，這頁家規實在太可愛。
屋企震撼規條Level Up｜網民：師兄住兒童之家？
網民點睇呢，正反兩極都各有支持者，當然，震撼腦袋的居多！「好壓抑，本身返學都唔少壓力，返到屋企仲要咁，咩都要約束。」
有網民仲反建議該名中五生，笑反了：「你而家可以整定一份表，等佢地老咗都用到。輪到佢地做員工唔便溺+5 不亂使用醫療服務+20 不打擾老闆、讓老闆請假+10 ，做好一個月都係一兩千，覺得唔夠錢，服務埋細老闆話比佢地聽，呢個係家族傳承🤷」果然好有創意呀！
「不如試下出去打工自己賺$1200」、「想問吓你阿爸阿媽係咩職業㗎？ 整個咁嘅表好癲🤢🤢🤢唔講以為做緊紀律部隊。」、「做咁多嘢先加$4，做錯少少嘢就扣咁多…好痴線。」
事實就咁睇，真係好似苛刻咗少少的，有網民更指：「師兄住兒童之家」、「老兄屋企係集中營」、「生仔考牌，樓主堅慘」、「香港學童自殺率高，唔係無原因的。」
屋企震撼規條Level Up｜支持派網民：好有規矩有家教
不過話雖如此，也有網民採支持態度，他們發表理論：「好有規矩好正有家教，希望屋企真係實行到。」
「中五如果仲未做到大部份呢啲野，其實對將來都好大問題，對家庭責任，父母都係想你當呢度係個家，有歸屬感，做好自己本份，家務永遠做唔完，自己既野收拾返已經幫咗好大忙，壞習慣壞行為都要正視，呢啲都係影響人。」
你們呢，話畀小編知，你們覺得極品家規有無問題？
影片來源：threads