老師與學生，本應是兩方建立的良好關係。但近日看到社交平台facebook的群組「名校Secrets 2.0」，發生了一件事件，但事件牽涉到竟是，疑似老師「方丈」嬲嬲豬？
發文者簡單寫出事件經過，「[荃灣區中學] 我地學校有一位中六同學在DSE中文拎左5*，就有補習社叫佢去拍宣傳短片。點知我地學校中文科老師就嬲到跳晒掣，係班群send左個咁既msg出黎，仲Leave(Left)埋Group。」
該名發文學生越講越激動：「心諗洗唔洗甘L小氣甘KAM啊！成條片都無踩過你喎？！最後仲要迫個同學係IG道歉！」
學生拍宣傳片中文老師嬲到跳掣真相｜自嘲：中文老師是何等廢柴！
發帖者節錄了他們口中所說的中文科老師，在網上群組對話內容，大意是老師對於同學「未回饋母校，就替補習社賣廣告，感到十分失望。」老師更自嘲：「中文老師是何等廢柴！原來是靠一間補習社就可以令他一飛沖天。」
老師語句還帶點委屈繼續發表：「同學不會知道老師們在背後為你們付出了多少……請勿忘記感恩，中學是孕育你們成長的地方，請愛護學校聲譽，一山還有一山高……」
最後，老師竟然傷心到要退谷！「我帶着傷心、失望離開呢個群組……」
學生拍宣傳片中文老師嬲到跳掣真相｜網民理性分析：內容有無涉及到母校老師都唔清楚
就咁聽落，DSE中文優秀生替補習社拍攝宣傳短片，可能只是出於分享成果及讀書心得，並沒有過多的想法。不過我們都只是旁觀者，食吓花生話咁易，當中有否涉及其他利益，就不得而知。
只能說，中文老師無論對學校、學生，均能從其文字當中，感受到很深切的愛！
同時，有不少網民其實都提出理性分析，「呢個post 連條片都無，唔清楚宣傳片內容，內容有無涉及到母校&老師亦唔清楚。」
「補習原意都只係想成績"更進一步"，而"從零開始"始終係學校起步……」
而呢位網民轉數好快：「其實個老師都講得好岩，唔係佢地咁廢，我地要課咁多金出面搵補習？！」、「厘D正一方丈！」
點都好，希望大家不要破壞美好的校園生活回憶，師生、師生，情誼相當可貴！
圖片來源：facebook 名校Secrets 2.0