啟德發展計劃，近年已經成功發展為綜合區域，雲集了中高檔私人屋苑、公營房屋、商業、旅遊與基建等多元化發展區，成為了香港新地標。
成日掛在口邊的盛事之都，呢期最Hit當然是啟德體育園吧！許多熱爆演唱會、體育賽事等大型節目盡在此地，體育園一帶的啟德住宅、商場區域，經常人山人海，熱鬧得很。
啟德都會區發展日見成熟，有大型商場、港鐵站等完善配套，看似都好好住呀!不過有位啟德居民，近日就似乎唱反調，要投訴噃。
啟德居民投訴附近無餐廳｜ 跑道區附近一間食肆都無 好唔方便？
有位網民應該是啟德居民，在社交平台facebook群組「啟德居民自由講」發帖，指出：「跑道區內一間食肆都無，每次要解決午餐和晚餐問題時，一定要坐22D出返啟德站附近搵食肆，又或者用Apps叫外送，真係唔方便。」
樓主還提到：「樓下其實有舖位，但無人租喎！」事實真的如是嗎？
啟德居民投訴附近無餐廳｜極度高尚！有無見過山頂富豪會投訴？
唔使問，一眾網民當然「曲到直」，一場熱議引爆留言：「住得豪宅就嫌無野食？你見過山頂富豪投訴未？弱呀！」、「人哋住山頂豪宅都冇食店啦。」
「你嗰度係高尚住宅區，應該有工人幫你搞掂」、「食肆呢啲低級野，唔啱豪宅嘛，梗係留返係簡屋隔離啦。」
「成日話香港啲食肆冇客，去跑道開呀。。發個豬頭🐷」
「你諗下，住山頂果啲都係有同樣問題，咁先係高尚住宅區。」
嗱嗱嗱，越來越「直」、越來越「酸」啦吓！不過網民又啱，你見過山頂有好多食肆、好方便、好多人未？小編不如給大家選擇題：要海景，定要方便呢？
另外，有位自稱是啟德最早一批居民有發表：「我應該係最早個批入去住嘅，不過如果要清靜，又要海景都冇計，所以呢度多人叫外賣，家庭用品就網上平台送，不過如果比我揀，會揀返地鐵附近住，方便啲。」
有感而發咁，不過住在哪兒，方不方便其實好主觀，小編都住得遠，但環境又幾清靜，都幾好吖!
圖片來源：facebook群組「啟德居民自由講」