近年的士行業態度屢受爭議，但的士仍然是不少無車人士「買時間」方便代步工具，尤其加班加到夜的打工仔，有時還可以向公司claim車費，不過怎樣claim法，就家家不同了。
為了順利claim車費，打工仔普遍會問司機哥哥索取車費收據。近日，有位「正義」的士司機在社交平台facebook群組「的士司機消息平台」發文，展示一張蓋了紅印的單據，配文道：「人不犯我我不犯人，係要犯賤嘅我就唔會客氣，睇吓你敢唔敢攞張單claim錢，哈哈。」
Claim車費竟遭的士蓋紅印｜的哥印仔列明：乘客要求八五折車資
等小編看真些張單據相，推敲一下事情始末。照片所見，應該是有乘客由元朗屋苑翹翠峰出發，目的地為港珠澳大橋香港口岸旅檢大樓，隱隱看到單據原價，總車費應是188元；並在的士屏幕中看到「綠的」、「要收據」及「公司價」。
惟的哥收取車費後，則在單據上蓋了一個非常當眼的紅印，印仔列明乘客要求85折車資，實付159元。哦，小編明晒，懷疑是的士哥哥好「正義」地，想阻止該位乘客以正價車資，向公司claim車費！
Claim車費竟遭的士蓋紅印｜網民：又要做X 又要攞貞節牌坊
其實小編也是名「專業的士戶」，但較少看到的哥有蓋紅印的單據，真的大開眼界！
不過網民對於的哥有點過於「正義」的行為，反應兩極。批評的哥的，普遍覺得的士司機想做「折頭的」，另一方面又要舉報乘客，為乜呢？
有網民毫不情面地批評的哥：「咁唔做85咪得囉，何必令自己咁心理唔平衡啫。」 （說出重點來！）
一位自稱的士佬的網民仲激動：「就算我係的士佬都要X你，做埋D損人不利己嘅野，你咁有正義感做乜折頭的呀！」
「個客落單有話明要收據，覺得唔合理唔接張單就得， 或者司機可講明唔開正價單， 咁出post，做衰曬的士行業」。
「正所謂又要做X，又要攞貞節牌坊！」、呢個咪係「貞操印」？！
個別網民卻錯重點，竟問樓主「整個印台要幾錢？」、「印字太大了，要小點，要黑色，不太顯眼，不要太張揚。 」 （笑反了小編。）
Claim車費竟遭的士蓋紅印｜網民：你個客唔攞八五折咪得
另一派是支持的哥的「正義」做法：「八五call車， 俾返張八五單佢好合理喎。」、「倒轉嚟講，你個客唔攞85折咪得囉？」 （咁你都有道理。）
「做折係吸引人乘搭，並非助長乘容呃公司差價，公司已經咁好有的士錢claim，仲其身不正，其實要單一律打印實收價就啱喇！」
「不如喺個咪錶整個八五折按鈕啦！」
「依個方式幾好，保障大家，乘客唔會Claim多或少，避免同司機有拗撬，唔錯，作為乘客嘅我，都支持呢個方法」。
好了好了，其他網民，你們又點睇呢？
圖片來源：facebook群組「的士司機消息平台」