仲有十日有多才到萬聖節，不過話到明Happy Halloween，當然要早點預備，盛裝打扮，Happy Happy！
有脆友上載一段影片到社交平台threads，看到一位火辣辣「貼符女殭屍」正在等港鐵，頭上貼着符咒，張符咒吹吓吹吓咁，好搞鬼！
不過該位脆友，似乎和小編意見不一致啦，還反諷配文道：「條女咩料？仲有成個禮拜先哈囉喂，由幾時開始哈囉喂=著得少布=靚……不如試下檢點啲 。」
施主，好憤世咁噃！
哈囉喂未到看到火辣貼符殭屍︱ 曲串：你唔問海洋公園未到萬聖節做乜開始？
其實小編覺得這位女殭屍打扮，幾有誠意吖，有清新小性感加短裙仔，不少網民都認同呢！
「師兄無嘢啊？人地着得咁靚，貼住對符路都睇唔到，有心機有誠意萬聖節想玩吓，係咪一定要勁專業化鬼裝先得？ 好聲好氣評吓唔得？」
有脆友「曲」串樓主：「反串，識嘅，幫對方玩演算引流。」、「疑樓主玩緊引戰演算法。」
「你搞到啲人曲直不分啦！」（係咪呢係咪呢 ！）
「人哋曲線Po緊自己個friend，大家唔好咁激動先，關你乜事？」
「關你咩事😀 海洋公園萬聖節活動已經開咗，你唔問海洋公園未到萬聖節，做乜就開始？」
「咁都少布？出面三十幾度喎，背心露下腰都叫少布真心咩？你清朝人嚟嘅？」
影片來源：threads