返夜更時間顛倒，小編都好明白是好辛苦，打工仔總有累的時候，間中在辦公時間打瞌睡，在所難免的。不過，如果在當值時打瞌睡得太過明目張膽，就唔係咁好喇！
有網民早兩日上載一張疑似是保安員叔叔的當值照片在threads，配文道，「每個月交二千幾蚊管理費，放工返屋企見到樓下嘅管理員等緊照胃鏡，你會有咩反應？」
睇文字都覺得樓主心情無奈。
從相片所見，保安員叔叔似乎太累了，在當值期間正在深度入眠。看着叔叔坐在椅子上，睡到頭仰嘴巴開，唔使用尾指退熱貼！正如樓主形容，熟睡到好像「等緊照胃鏡」!
夜更保安睡覺睡到「似等照胃鏡」｜嘲樓主放開一點勿「自我感動」
不過，網民就一向有同情心的，相片經過這幾天瘋傳後，普遍網民反而較為同情保安叔叔，又嘲樓主何必要「自我感動」：「唔係話保安做得啱，但你所謂2000蚊管理費，入面有幾多係呢位職員上？ 管理費係包埋屋苑日常運作保養維修 ⋯」
「假若你知道佢可能除咗呢份正職，仲有份兼職先搞得掂生活開支，你仲會唔會咁樣公審佢？」
「我不是話個保安完全無錯，不過要怪就怪這個社會制度，強逼底層人士日日返工，12個鐘收入又低。」
精警金句又來了：「受薪8萬都可以瞓覺，管理員受薪2萬點解唔瞓得。」
還有網民勸樓主放開一點：「老人家做夜更，一定避免不到恰吓眼瞓，他不是直接躺平睡，隻眼開隻眼閉囉！」
「給別人一口飯吧，年紀也那麼大，何必呢，你可說你上班八九小時全在工作沒偷懶，沒發私人信息，沒做私人事，先檢討自己工作吧。」
夜更保安睡覺睡到「似等照胃鏡」｜網民：好mean but like
當然，也有不少網民覺得保案員叔叔始終正在當值，應該做好工作本分：「等緊照胃鏡😹😹笑死我」、「好mean but like。」
「有錢收又有得瞓幾爽。」、「當值時睡覺，違反保安員守則，可以炒得！」
「呢位老人家返緊工喎⋯⋯😂😂😂唔係話無愛心，但係佢做呢個位置，都有責任睇住睇閉路電視，同埋出入嘅居民。」
另有網民二次創作了保安員叔叔打瞌睡的圖，小編都係唔做埋「公審」一分子，唔POST(咁多)了！
圖片來源：threads、facebook及二次創作資料圖片