最近，一片「記得扣安全帶」溫馨提示聲日日響起，皆因明年1月25日起，乘客乘坐配有安全帶的座位時，必須佩戴安全帶，當中包括巴士、校巴、直通巴等乘客。違例者將面臨最高5000元罰款及3個月監禁。
其實，乘搭交通工具配戴安全帶是常識吧，不過日前因為警方在東九龍區的小巴上「放蛇」一事，引起市民熱議。
日前，有脆友上載一幅相片在社交平台Threads，相片背景是小巴上，最吸晴當然是司機哥哥貼了一張大字報，並寫上：「注意！放蛇捉安全帶，還標明是24至26號」，先知一樣。
小巴司機貼大字報溫提放蛇｜正面脆友：其實要你扣安全帶好難？
連樓主也配文加以描述，不過充滿憤世味：「正所謂道高一尺魔高一丈，多X謝提醒🙏大家醒爬啦，24-26 免得過都唔好搭小巴，免破財囉 😃😃😃 」
「放蛇」，還會知道實際日期，真的嗎？
脆友反應兩極，「其實要你扣安全帶好難？ 」啱呀，安全帶也是保障大家市民安全吧。
「安全帶主要係防止「二次撞擊」撞車嗰下， 有冇安全帶傷勢差天共地，
有扣 → 可能淤青、輕傷、撞到頭都仲清醒
冇扣 → 易昏迷、骨折、頭爆、甚至彈出車外」
網民還盛讚小巴叔叔是「良心司機🥰 」、「重磅提示，請廣傳。」 ；「乜唔帶安全帶係理所當然，我而家先知 。」
「警察今次真心做得好好，俾到阻嚇作用，提醒到市民扣返安全帶。」
「啲小巴佬平時開到咁鬼狼死又快，加上呢家揸小巴果啲，又唔知係咪黑工，年紀又大……我就有理無理，扣咗保障自己先！命仔要緊。 」（說出重點來，命仔要緊!）
小巴司機貼大字報溫提放蛇｜反面脆友人間清醒：真係得24至26號？
當然，反面不支持在交通工具扣安全帶的市民大有人在，網民仲好激動派嬲，應該說，上車要扣安全帶、加埋放蛇行動，有網民就好反感！
「而家香港民生生活環境唔好，仲要攞小市民開刀，真係天怒人怨。」
「安全就個個都扣咗啦，老實講，啲兩點式安全帶我真係唔覺保護到幾多，就係扣咗同冇扣都冇分別，大家先唔扣。」
呢位脆友好清醒地問：「 真係得24至26？」
「阻住地球轉，好做唔做。唔係話扣安全帶錯，係個執法方式有問題，擺明想罰錢，多過提高市民安全意識。」
圖片來源：Threads、資料圖片