超市，是一個可以令人大開眼界的地方，乜都有得買！大家有沒有在超市看過，「可食用的潤滑劑」，它又是什麼東東來呢？
在社交平台Threads早前看到一張有趣相片，相信是連鎖超市的產品標示圖片，並寫上，「可食用的潤滑劑 350ml」，盛惠$89.9。
不過最好笑是，原來看真些，下一行的備註更有趣，用廣東話標示再列明，「好似檸檬汁咁樣的潤滑液 不可食用」！上面又說「可食用」，下面又說「不可食用」， 咁到底食唔食得呢？
可食用的潤滑劑 即是食唔食得｜網民疑問：有冇必要寫到咁白？
大家都不是太關心到底這是什麼樣的產品，大家只是針對這個有趣標示的字眼而留言，「即係可以入口，但唔可以當濃縮檸檬汁咁用。」好像有點道理。
這位網民完美演繹字面上的解釋一次：「當佢是潤滑劑的時候可食用，但當佢變成好像檸檬汁咗的潤滑液時，就唔可以食用了。⚠️ 」 一樣，好像有點道理。
不少脆友仍然似懂非懂，勁有疑問：「到底食唔食得？」、「我估要煮熟先可以食」。
大家越講越白了：「有冇必要寫到咁白？ 」(well....明就明!)
「我嘅理解係，唔可以就咁隊，但機緣巧合下食咗少少落肚，都唔使擔心。」
「漱口水啲FD。」、「漱口水咁，可以放入口但唔好吞。」(用漱口水比喻，小編更易明白。)
不過，亦有網民略為激動地揶揄指：「咁你試吓囉...話咗唔得，仲咁有實驗精神，無人會阻止你試嘅。」
討論吓啫，討論吓啫...
圖片來源：Threads