香港人素有儀式感，和朋友開開心心去餐廳慶祝生日，一個靚靚蛋糕當然少不得！餐廳普遍要收切餅費，情有可原的，但如果蛋糕要「斷磅計」來收費，是有點誇張吧。
是咁的，網民在社交平台Threads申訴，簡單寫上事件：「最近有朋友喺尖沙咀一間集團西餐廳和屋企人慶祝生日，餐廳話切餅費每磅$150，我朋友就喺XXX(某餅店)買咗個一磅蛋糕。」
事主還有後續地說：「拎到去餐廳，餐廳即刻拎個磅出嚟磅，點知呢個一磅嘅蛋糕，輕輕超咗1磅少少，要收兩磅錢，即係$150變$300切餅費⋯⋯經理出埋嚟，嗰個態度仲差⋯⋯」
事情大致是這樣了。如果照事主所說，一磅蛋糕也要「斷磅」收費，加上只是輕輕超出了少許，就變了一倍的切餅費！倘若餐廳侍應態度還要差的話，就有點不近人情了。
西餐廳切餅費「斷磅計」勁誇張｜網民唔Buy：你個磅壞咗呀！
事件曝光後，當然引起網民熱議，普遍網民都說「逐磅計」的方法簡直聞所未聞，難怪連事主都嘲諷餐廳：「買一磅蛋糕要當魚子醬咁磅？」
網民更直指餐廳做法令人側目兼肉酸：「你個磅壞咗呀！第一次聽切餅費係斷磅計！」、「最誇張還要拎個磅出來秤。」、「個蛋糕大咗少少係咪會死」。
更有網民分享其黑歷史經歷：「我人生第一次試過用咗$1500切餅費，真係$1500港幣。」
「同佢講唔好切住 大家分咗啲生果先。」（搞笑咩。。。）
「停車場咩...不足一小時按一小時計。」
期間，網民群情淘湧跪求樓主公開餐廳名！點都好，有時香港餐廳，也要人情味的。
內容資料來源：Threads、圖片來源：資料圖片