扶手電梯，是方便市民上落之便，快捷，不擾民，大部分香港人也相當守秩序。不過，近日網上流傳一段閉路電視片段，就發現有位單車友，實行與單車人車合一，永不分離咁款，與單車一起乘搭扶手電梯，豈料……
在社交平台Threads看到閉路電視片段，如前文所說，再加上樓主的生鬼描述：「傻人一堆，坐住單車搭電梯，旁觀者唔識撳Stop掣！」
去片先！果然，鏡頭下映入一位單車男乘搭扶手電梯，不久後連人帶車一仆一碌，看似卡着在扶手電梯間。現場應該發出頗大聲響，不少途人趕至視察情況。
鏡頭下，亦看到不少有心途人緊張看看事主有否受傷。不過，片段中就沒有看到途人即時按停扶手電梯緊急掣，片段就此結束。
單車男連人帶車另類人車合一｜網民笑反：應該關心部電梯有無被整爛！
單車男的另類人車合一乘搭扶手電梯，慶幸沒有發生重大意外，好好彩了！網民呢，當然普遍是「唔抵可憐Mode」呀！
有網民勁搞笑幸災樂禍稱：「咁XX，俾着我都唔幫佢撳掣🤣 」、「無L有錯，仲應該指住佢嚟笑。」
「啲咁嘅智商，救嚟都嘥時間。」、「食花生最重要。」
「應該關心部電梯有無被整爛㖭呀 😅」
「做咩要撳stop 掣，佢自己申請。」、 「抵死喎，點解要stop？」
「我會去㩒，但係要等我笑完先🤣🤣 」、「電梯比佢整壞 。」
「而家無腦嘅全部走去踩單車，果然係真」、「Btw 條友都落到底啦，撳停部電梯無幫助 。」(喂呀，呢位網民唔得咁清醒！)
「大家用愛包容佢！」
好了好了，還是那句，最重要人無事就好了。
影片來源： hong_kong_gossip_watch_group@threads