香港是美食之都，想吃全世界的異國味道，抑或本土風情應有盡有。近年手工意粉大行其道，配合美美擺盤的西餐廳，索價一般並不便宜，如果味道、份量搭夠，亦算超值。
不過，如果你點餐時遇上了「半份」手工意粉，但仍需索價近百元，你會認為是手工出細貨，還是看似是「廚餘」的擺盤？
近日，有網民在社交平台Threads發布一張意粉照片，小編看到圖中似是蜆肉手工意粉，不過份量就真的像「迷你版」。
樓主配文道：「佢送上來吓咗一聲😂😂，95蚊一碟😂 ，一人一啖就無咗😂😂😂，真係唔識食😂😂仲要屯門。」
照樓主所描述，應該是屯門某西餐廳的出品。看真一點，「半份」意粉份量，雖然真的袖珍了一點，不過賣相、擺盤都幾精緻，絕對是誠意之作。
西餐廳「半份」手工意粉索價近百元｜網民熱議：數過大概有13條意粉 成本真係咁貴？
看完圖片，網民反應兩極，主要是「呃錢意粉」和「唔識食」之爭，不少網民都學樓主話頭，感嘆「真係唔識食」咁話。
部分網民質疑餐廳定價：「以為廚餘」、「如果$95呢個份量，真係幾過份」、「成本真係咁貴？見到有留言話係半碟，呢度係正常份量1/4 咋？」
「咁誇張...真係當咗自己米芝蓮三星。」
「真係好少，食五碟都唔飽，佢係main dish前菜就話兩啖啫。」
「我幫你數過，呢度大概有13條意粉，有六隻有肉的蜆，有八隻得啲殼，你大概一共有27次的咀嚼機會。」(呢位網民相當應景和認真呀！)
西餐廳「半份」手工意粉索價近百元｜「護航派」網民：想大份麻煩食雙餸飯
不過，也有不少網民為餐廳講句公道話護航，有感是樓主和不少香港人不懂欣賞手工意粉之美！
「替有心做的餐廳難過，成日話香港餐廳值得無客，但不少港人都值得返深圳」。
亦有網民點明該西餐廳本來定位，就是走中高檔路線，真的是米芝蓮三星大廚主理，價錢反映食物質素。
「你想大份麻煩，去食雙餸飯和薩莉亞啦！」
同路人網民有回應！「食過就知，$170full 真係好值」。
「蜆同意粉比例接近一半， $95算係咁。」
小編也認同，手工意粉賣點在於用料與烹調技巧，味道亦與一般意粉有別，值得與否，大家味蕾都好主觀，自己衡量CP值吧，免傷和氣。
圖片來源：Threads@_tszwailtw