明日冷鋒殺到，香港人最喜歡「烚吓烚吓」打個老邊（打邊爐），三五知己圍爐談天，夠地道又親切的。無論港式、台式、中式火鍋，香港人不愁沒有選擇，不過，有網民在「烚吓烚吓」期間，不幸因為鍋內有一鍋物，導致原本好惹味的邊邊慘變「泥漿浴」，乜胃口都無晒！
近日在社交平台Threads看到樓主wing.lok_0__0發文分享火鍋奇遇，描述正在吃火鍋期間，原來有蜆的食材，應該是一堆蜆忽然大量「吐沙」，令一鍋鍋底瞬間驚變「泥色」！沒有誇張，配埋短片超有真實感！
難怪樓主無奈指：「打邊爐食蜆真係要好小心」。果然，小編看到都沒有食慾，只見到一堆泥水，蜆蜆主角都埋沒了，有夠慘情。
開心「圍爐」因一樣鍋物驚變嘔吐物｜網民爆笑：泥漿湯底「戚家13口我大笑咗」
打邊邊情況那樣慘烈，網民有咩講呢？
絕望真相之：「成煲扔得，臭X哂😂」、「新鮮到未吐沙都已經俾你滾🙂↔️」
最爆笑是有位網民留言：「戚家13口我大笑咗！」(網民應該知道是哪一齣戲的經典橋段吧。)
「泥漿浴」、「海底泥好貴，攞嚟敷臉啱曬😂😂」、「火山泥溫泉」、「真正嘅沙茶麵」。
「泥漿湯底🤣」、「沙bu沙bu」、「泥湯蜆」。
開心「圍爐」因一樣鍋物驚變嘔吐物｜網民有建議：換返個湯底比我哋！
另外，這位網民算有點良心，提供建設性的方法：「要先吐沙，洗蜆揀走沙包，如沙包洗時唔開，煮都唔會開，有啲人會兩蜆相碰聽聲，揀走沙包。」（長知識了！）
有親身經歷的網民現身了！「我哋都試過，同職員講，即刻換返個湯底比我哋！」
希望樓主沒有造成陰影，仍有一次愉快的火鍋體驗吧。
影片來源： wing.lok_0__0＠Threads