你們也有過同樣問題嗎？大家有無仔細望過，你的香港駕駛執照（如你有車牌）上，為何會顯露些不規則的毛毛？不說不知，原來是防偽技術之一呢。
有脆友ackerpinkman發表了同樣問題在社交平台上，有趣地向網友們請教：「有個問題困擾咗我好耐，到底點解香港車牌入面會有咁多毛？唔信嘅你攞自己個牌出嚟睇下。」
香港駕駛執照「有毛毛」｜網民突破盲腸：考完車牌要留低兩三條毛做生物認證
又是噃！有聰明網友衝出來解答：「是防偽原理，它是在造紙過程中，將有色毛和紫外線下會發光的螢光毛混入紙漿中，形成肉眼可見或在特定光照下，才能顯現的防偽特徵。 」
「呢啲係馬毛紙，古早英國防偽造文書技術，原意是如果張證唔完整，啲毛就會斷開，咁就知張嘢改過。」
大家都好聰明呀，不過網民開始搞笑離題了，還加插半認真地解說：「每多一個人攞車牌，就多一條毛受到傷害！」
「算唔算係毛牌駕駛？」
「會驗下啲毛嘅DNA，好似係⋯ 」、「出世紙仲多🤓 」 、「舊出世紙都好似有😂」
「係咪個助產士加落去？證明呢個B係由我接生。」（呢位網民咁都可以想像無限！）
「考完車牌要留低兩三條毛，做生物認證 」、「考筆試嗰刻考官已經收集緊。」
有網民更突破盲腸反問樓主：「呢個問題係咪由2017年開始困擾咗你八年？係咪終於可以瞓得着？🤣 」
香港駕駛執照「有毛毛」｜馬毛紙屬防偽纖維紙 出世紙死亡證一樣有
其實，香港駕駛執照上猶如頭髮碎毛的「毛毛」，隨意分布在車牌上，是稱為「馬毛紙」的防偽纖維紙，一般燈光下，是可以看見不規則的紅色及藍色馬毛纖維，但在特定燈光下，則會呈現出不規則的橙色及藍色隱形紫外光馬毛纖維。
市面上，是較難購買到「馬毛紙」的，對防偽性相對有保障。除了香港駕駛執照外，香港的出世紙、死亡證等官方重要身份證明文件，同樣使用了「馬毛紙」特製。
圖片來源：資料圖片、ackerpinkman@Threads