潮流要走塑！走塑！走塑！不過坊間的環保餐具，自推出以來一直備受爭議，似乎沒有大改善之餘，還有大倒退之嫌！
有網民在連鎖快餐廳購買外賣，加配的環保餐具，簡直令人大開眼界！按該位網民拍片所示，果然如發帖者所說，「慳錢到隻木叉同A4紙差唔多，第一次用叉，可以用揈嚟形容佢！」
最搞笑是，樓主還用尺替木叉量度了闊度，答案是：超薄！得咗！今次輪到小編錯重點，樓主示範了用木叉夾雞排效果，確實是薄到可以「條條揈」。
環保餐具實用性大倒退用「超薄木叉」｜網民串爆：直接用紙剪支叉出嚟算啦
網民紛紛對環保餐具的超薄設計嘆為觀止，更試圖安慰樓主：「你要欣賞佢用木叉，都可以做到塑膠嘅彈性🤣」 。
「第一次見釣雞😂 」、「而家啲人咁鍾意夾公仔，就特登畀客體驗用軟奶奶嘅餐具夾嘢食啫。🤪🤪 」
「好煙韌….. 講緊隻叉」、 「對唔住，我笑咗」、「試吓彈舊雞扒去對面」。
「反正紙都係用木整，又整到咁薄，不如直接用紙剪支叉出嚟算啦。」 (好精警的建議呀！）
「這質素，還要加$1？ 」、 「仲拮得入😂😂，我用木叉成日都整爛 。」
「0.01激薄，增加刺激感。」
坊間大大小小環保餐具的質素，似乎真的要認真重視一下了，因為會直接影響食客用餐體驗的。
圖片來源：jefflam1030@Threads