深夜的街道，的確有好多神秘的事。有網民近日拍到一位元朗師兄，在一個元朗黑夜，竟然拉起電鋸鋸單車，究竟所為何事？
有網民拍了短片放在社交平台Threads，並配文：「師兄，夜媽媽你做緊咩啊？😂」
係囉！師兄你做咩呢？！短片所見，這位師兄遠睇，看似正在用電鋸鋸開單車，激盪中有火花！
不過，港男深夜鋸單車，是想偷單車，抑或結局神反轉，是想取回自己的單車？
元朗黑夜港男鋸單車｜結局可能神反轉：正常偷車應該無咁專業
不如看看網民有話兒，大家均無答案，事實上無人猜度到港男的真正意圖。
先有網民說：「元朗每日偷單車日常。」
但有網民秒速反駁道：「應該係畀無聊人鎖咗佢架車，佢咪要鋸開個鎖囉，應該唔係偷車嘅～」
「你幫佢報警話，有人上咗佢架車鎖啦 。」
原來結局神反轉，更有同路人分享：「我都試過俾XX鎖過自己單車，真係要搵磨機鋸開。」
「我試過俾人撻咗個單車煞車掣囉，真係好X激氣喎，嗰陣單車舖整返要400蚊😮💨 。」
不少網民為港男解釋鋸單車的因由：「偷單車應該會用剪，唔會用磨機咁型。」
「幫食環路政清理違泊單車 。」、「正常偷車應該無咁專業掛😂 」。(咁你又啱，偷車應該無咁PRO的!)
「應該係同架單車做緊手術 ！」
影片來源： theoopo@Threads