香港地少人多，土地問題，可以衍生好多問題！個別連鎖快餐店，因為營業時間較長，對食客用餐原則較為Freestyle。久而久之，可能會造就一些「時間管理大師」為了方自己一便，借一借個小地方，做做私人事。不過此舉，是否即使沒有影響到其他市民，就代表沒有問題呢？
一位網民在社交平台Threads拍片投訴某位化妝師：「點解可以咁樣？化妝師用人哋XXX(連鎖快餐店)地方做生意，仲要已經用咗成個幾鐘，而家仲喺度化緊妝，隔離個客仲等緊，租金都慳返，咁樣做生意都得？呢個化妝師咩玩法？」
看完片段，片段中有一名化妝師正在跟客戶化妝，不過背景就看似是快餐店外的商場位置。此舉，難怪會引起網民熱議。誰是誰非，互有公審，反應兩極。
化妝師連鎖快餐店當私人化妝間｜化妝師本尊現身反擊拍片者無品
疑似化妝師當事人率先發文澄清：「你好，我係影片中幫人化緊妝嗰個，見到呢條片，我真係覺得好笑及氣憤。
第一，我哋化妝時間並沒有在繁忙時間，由10.30開始，用時兩個鐘多啲，此時段並不多人，加上地點係荃灣廣場X樓，XXX(連鎖快餐店)有位坐嘅地方分出面同入面，我哋喺出面，並沒有阻擋到任何人。事後也有清潔枱面，沒有把任何垃圾留下讓職員清潔。
第二，如果你覺得我哋佔用公共地方，阻住XXX(連鎖快餐店)做生意，隨時可以話俾職員聽，趕我哋走。」
化妝師仍有帖文，不過小編沒有再作節錄。化妝師繼續委屈哭訴：「最後我都想講，我哋都有錯，佔用公共地方係唔啱，但係你偷影我哋，會唔會更過分？」
化妝師連鎖快餐店當私人化妝間｜網民反應兩極：人地點用個空間關你X事？
看完化妝師為事件解畫，其他網民有何感想？事實上，霸佔公共地方做私人事情實在多不勝數，似乎都有不少網民為化妝師講說話，覺得情有可原。
看似公道的一群有感而發：「我都同意，想搵地方食嘢，但被人霸住位置唔走係好無癮，所謂霸左屎坑唔屙屎，的確乞人憎。
但公平啲講，也要考慮餐廳的經營模式，部分連鎖快餐廳，一向有趕人起身或輪枱的。佢哋用這種模式，也吸引到一班喜歡這種風格的顧客。所以我覺得下次你可以去茶餐廳，這樣就不會見到這場景了。」
「呢啲位未必係XXX(連鎖快餐店)地方，雖然枱櫈係，但有機會係商場公共空間。商場利用呢啲通道收租，其實係走灰色地帶，違返地契。」
「其實同喺XXX(連鎖快餐店)補習/傾保險/做功課差唔多😂😂，一定有人霸住啲位做自己嘢，不過化妝又真係第一次見，我諗樓主係最新奇呢樣嘢，如果喺到做功課，大家就覺得係正常，見怪不怪。
主要係因為化妝係一個比較高私隱性，同埋安靜做既野，覺得喺公眾場合當幫人做，係有啲奇怪。」
「咁去XXX(連鎖快餐店)傾保險，算唔算用人哋地方做生意？ 」
呢位網民頗為激動：「其實你係唔係收緊租🤔，人地點用個空間關你X事。」
化妝師連鎖快餐店當私人化妝間｜網民反應兩極：我沒影響到人你理得我 大晒？
當然，批評的網民亦有人在。因為，如果每個人都「無王管」，認為自己站在「無阻住其他人」的狀態下，就美化自己事情是對的，似乎有點過態吧。
「下次直接拍佢背脊，大大聲同佢講有人等緊位。我平時都會做，只要係岩既事，就係差一個人即時出聲。」
「本身在餐廳化妝就是不合，不是補個唇膏，補個唇膏沒人管你。像這樣化妝可能在營業，本身就是不對，只是現在的人還惡過鬼，說不對的人反而被罵 。」
網民越來越曲了：「終於明白點解周街屙屎屙尿又嘈，我沒影響到人，你理得我，呢啲咪無恥」。
「我覺得自己識做，都起碼叫少少嘢，樣樣都要講到出口，面斥不雅啦！」
影片來源：zita_kwok@Threads