大埔宏福苑昨日（26日）發生五級火令全城關注防火安全問題，同樣正進行大維修的火炭穗禾苑，居民人心惶惶。《東張+》採訪居於穗禾苑的居民，穗禾苑居民真情剖白。
穗禾苑居民真情剖白
居於穗禾苑的陳小姐（化名）向東張+表示，因為自己以往居住於大埔，對事件非常擔心。她指，穗禾苑較宏福苑早「搭棚」約半年，現正準備拆棚，惟自己居住的座數外仍未拆棚，繼續圍起綠色棚網，亦已安排時間在一至兩個月後拆棚。
穗禾苑居民：驚同樣「火燒連環船」
陳小姐表示，宏福苑大火事件令一眾穗禾苑居民非常痛心及驚嚇，「情況實在太似啦，當日又係9座（穗禾苑）一齊圍封、一齊搭棚、一齊經歷兩年維修；見到新聞都係咁樣發泡膠、木板封窗」。
陳小姐又指，大家目前一方面擔心宏福苑居民，同時又擔心自己屋苑同樣「火燒連環船」，「我哋覺得同佢哋情況太似，希望我哋都快啲拆棚，同埋希望大家都平安」。
穗禾苑居民：成晚瞓唔著
至於《東張+》另收到一名穗禾苑居民報料，他指自己家中有一名1歲多和一名6歲小朋友，擔心自己屋苑發生大火，「尋晚成晚都訓唔著，好擔心屋苑個棚架有事。我地同大埔個情況好似，之前都試過封曬d窗，又用過發泡膠，又會停左個消防系統
一日唔完工，一日都好擔心，有苑友今日剪過塊網好似都唔系用阻燃物料，所以真系好擔心。」
他又指，「如果一燒起上黎，真系想走都走唔到。好多人都問過管理公司，但都無人答到我地既問題，錢就早早比左，維修左2年幾，但好似見唔到完工的終點，真系好無助。」