連日來，大家被大埔宏福苑五級火的消息衝擊，幸好香港人有愛，不時看到暖心支援的有愛畫面，直教悲傷中的災民心頭一暖。
社交平台Threads再次記錄了災難中好人好事。脆友aoyama_mama 分享真實經歷，趁機表揚某間冰粒店老闆的暖心一幕：「德保雪粒羅先生，真係一個好好嘅人，琴晚完全就咁上網搵個電話打電話去公司，其實我聽到佢應該係喺屋企照顧緊小朋友，但佢都放低所有嘢聽我嘅需求，今朝立即返公司開車過嚟，感謝您無私奉獻。
我問佢幾多錢，記得講返俾我知，佢第一句就答唔好講錢住，聽日要點樣安排你教我，話我知，我驚我做得唔好幫唔到手😭😭😭 到最後佢都無收過一分一毫🙏多謝你！香港需要你們💪🏼」。
冰粒老闆好人好事｜真漢子：唔好講錢住 我驚我做得唔好幫唔到手
「唔好講錢住！」、「我驚我做得唔好幫唔到手」，單單兩句說話，已經好有份量，如何不愛香港人？
羅老闆的感動事事蹟，隨即獲得羅太太回覆：「我係羅太，首先代羅生多謝你🙏，我哋只係為港人出一點力，不足掛齒💪🏻知你人不在港，但咁有心聯絡我哋，香港人都好感恩有你！
藉此機會，我都想多謝我先生🤍話：見到我睇電視不禁流淚（因為大埔係我成長同充滿回憶嘅地方），所以更想出一點力，向消防員致敬，香港加油，大埔加油🙏💪🏻」
原來羅太太也是大埔人，大家行前一步，已經好足夠。
「徳保無出過聲咁幫人，呢啲係真英雄，respect🫡」
「呢啲係香港人精神永遠無變，多謝德保雪粒羅先生，冰粒作用最大，消防員着住超厚裝束出入火場，一定需要凍飲降溫，再謝。」
「多謝羅生善舉🙏🏻🙏🏻🙏🏻，好人會有好報 。」
圖片來源：aoyama_mama@threads