大埔事，不再限於大埔人守望相助。繼日前網上不乏善心業主，無私借出自己多出的單位，免費給予宏福苑災民暫住後，世紀火劫的人性光輝繼續閃耀。
有網民在Facebook群組「大埔TAI PO」發文，他搞笑集氣，願意收留「單身男災民」免費暫住；更特別強調：「有乾淨衫，帶底褲就可入住，不收一分文。」
要看看樓主原po先夠感情：「本人男，有無男單人未搵到地方落腳？我住葵興，有個細地方可以分享，有熱水大量食物冷氣，有電腦有人陪你傾計，可以住幾耐？求L期啦，幫到盡幫，集氣啦！」
葵興男生集氣收留單身男災民｜網民激讚：咁好既人去邊到搵？
這位葵興男生，簡直Man爆！再看他上載的家中照，四四正正，好企理噃，真心感動！
網民均大讚樓主行徑，幫忙集氣：「發揮香港人守望相助獅子山精神！讚X10000！」
「咁好既人去邊到搵呀？」
網民搞笑提問：「有無技師安排？」、「情侶得唔得？」、「你間屋好有feel🫢🫢」
亦有網民善意提醒小心至上：「真心感動，不過你要小心有人趁火打劫。。。祝你好人，一生平安🙏🙏🙏」。
香港人，有愛到一個點。
圖片來源：Facebook群組「大埔TAI PO」