無情火劫，有人葬身火海，有人僥倖求存。近幾天，整個香港籠罩着悲傷。世界多地一方有難，八方支援！近日在社交平台Threads看到一篇求救Post，希望大家幫忙尋尋珍藏絕版「小寶貝」！
脆友kityicat在社交平台出求助post，尋求各位大神幫忙尋「寶」：「試下有無緣份同奇蹟，可以幫一個宏福苑細路女，徵到返一隻佢心愛嘅公仔。
家長話，隻Minnie公仔係期間限定買唔返，所以我提出，話想買返隻美妮公仔畀小朋友，家長都話搵唔到。佢話當年呢隻都係搵勻全世界，網購自台灣嘅唯一一隻。所以，我問咗家長搵到以前影落張相，希望可以試下喺呢個神奇公海徵吓隻公仔。」
為倖存小朋友上網尋買停產絕版米妮公仔｜居日港人仗義幫忙 絕版公仔到手
帖文一出，大量網民一呼百應，好快就有居日港人在某個日本二手買賣平台中，找到款式相同的公仔，更主動幫樓主先行購買，最終成功購得絕版又有意義的公仔！
其後，樓主也有補充了米妮公仔最新情況，「已經有網友幫手到二手網，再好快有不同網友幫手買。多謝你哋。
雖然我問女孩媽媽時，其實我哋都唔肯定月孩收到會係點樣嘅心情，係會勾起啲咩嘅情緒。但係我因為聽佢媽媽話，女兒表達過最唔開心係無咗兩隻公仔，同埋由細到大玩嘅公園無咗。」
學樓主話，「希望到時公仔畀到阿女手上，佢會開心番少少。」
果然是暖心尋寶貝的經歷。
圖片來源：kityicat@threads