大埔宏福苑世紀災劫發生逾一周，近二千戶居民痛失家園，或需要重整居所。災民陸續分配到不同的酒店、中轉屋或一些過渡性房屋暫住，其中包括房委會位於屯門寶田邨的中轉屋。
有脆友在社交平台發文，一位寶田邨的居民，拍攝到其屋邨地下中放滿多箱貨物，應該是用作鋪地或裝熱水爐等，脆友更說「代表邨友們觀迎你哋」，心頭一暖。
脆友rachel.c.sportdiary配文稱：「之前已經收到風，有部分宏福苑居民會搬過嚟屯門寶田邨，今日見到有工人嚟舖地、裝熱水爐等，謹代表邨友們歡迎你地，明白你地由新界東搬嚟新界西一定會有唔習慣，希望你地盡快適應🙏🏻。」
這位寶田邨街坊還出心出力：「順便幫寶田邨平反一下，請大家唔好相信網上話呢度多白粉友同白卡🥲我住咗十幾年，都只係剛剛搬嚟嘅時候見過一次道友😅，呢度好多老人家、小朋友、正經人家架🙏🏻。」
寶田中轉屋安置受影響災民｜街坊：希望多啲幫助佢哋！唔好令佢地太孤單
其他寶田邨街坊紛紛護航，文字中已經有滿滿的愛，希望宏福苑居民可以感受得到！
「寶田邨都不知幾好，附近嘅配套咁齊全，有商場街市同埋唔同餐廳，兼且仲有診所等。真係唔足夠，仲可以坐10分鐘車出返屯門市中心。」
有街坊非常體會宏福苑居民：「 不過辛苦佢地，無咁方便佢地，人哋住開大埔，居民又分散晒，希望街坊多啲幫助佢哋！唔好令佢哋太孤單！🙏🏼🙏🏼 。」
「咁快有地方住都總算好 」、「無錯呀🥹住落真係唔鍾意，先再慢慢諗搬囉🥹。」
另有不少街坊，分別自我介紹寶田邨的生活路線圖，包括交通、出市區路線圖、衣食住行等資訊，還記得提醒災民「好好保重、好好食飯、好好生活」，畫面太有愛。
有宏福苑街坊留言答謝寶田邨街坊的熱情照顧：「多謝你地照顧我地啲街坊🙏🏻老人家可能比較多，仲有啲可能啱啱先無咗親人……真係靠你地幫手照應🙏🏻🙏🏻🙏🏻。」
圖片來源：rachel.c.sportdiary@Threads