動物真的令人治癒，特別在這段香港人沉痛的日子，動物的確是心靈安慰的好好慰藉。
有脆友mongmongjai_1202在社交平台Threads，放上令人治癒心靈的影片。脆友的愛寵金毛尋回犬，在某大型商場外出的草地水池，玩得不亦樂乎。
寵主開心配文：「大鄉里出城，見佢成日喺屋企附近行，趁佢生日諗住帶佢見識吓其他地方，去到 Airside出面草地，佢爆衝跳咗入水池，仲要成隻海豚咁跳吓跳吓，其實佢會唔會唔係狗仔😰。」
Airside商場水池有神秘魔力｜脆友：游緊蝶式 個Body上上落落
爆笑了！原來Airside商場水池有神秘魔力，看到片中的金毛尋回犬，來來回回水池之中放飛自我，游來游去，確實如寵主「成隻海豚跳吓跳吓！」。
網民看到都非常開心呀！「開心得佢吖！😍😍😍 」、「好似游緊蝶式咁，個body上上落落🤣。」
「海狗仔🤣」、「狗狗好可愛👋👋 」。
「金毛係水獵犬黎，愛水係天性。」、「返上嚟啦，成條街望住啦，失禮街坊呀🤣 」。
不過都有其他寵主關心狗狗衛生問題：「其實啲水好dirty, 幾年先一次大清洗，小心寶寶皮膚。」
「呢啲水感覺好污糟，金毛返屋企記得冲涼呀！ 」
多謝金毛尋回犬，香港人，笑一笑。
短片來源：mongmongjai_1202@Threads