快到聖誕節，餐廳、商場一片聖誕應節氣氛。餐廳已經推出聖誕大餐吸客，感受溫暖的聖誕節。有網民和另一半提早品嚐港式扒房的聖誕大餐，還有一份意想不到的限量聖誕禮物，認真貼心。
脆友yukie_kiekie在社交平台Threads發帖文，稱與老公去某港式扒房進餐，並指：「侍應落力推薦聖誕餐，叫兩個餐，送一份聖誕禮物，叫四個餐，送兩份，侍應姐姐仲話禮物係限量！就快送完！」
樓主形容自己：「好心急的我即刻打拆開禮物，原來是東京善字牌魚肉腸！！！每人有一條！😂。」樓主會心微笑了，更笑稱：「會留返Boxing Day先拆嚟食🙂↔️。」
樓主上載了幾張餐廳照片，看到餐廳還精美地將小小的聖誕禮物，入好在印有餐廳名字的紙袋內，禮物雖輕，但絕對誠意搭夠。
聖誕大餐有意想不到聖誕禮物｜網民又笑又窩心：雜扒用魚肉腸大癲 留返嚟交換禮物
網民一致散發出聖誕暖意，大讚餐廳的窩心舉動，滿滿的儀式感呀：「😂😂😂點解係送魚肉腸，好好笑😂😂 。」
「雜扒用魚肉腸大癲🤣🤣 。」、「司華力腸同魚肉腸都是腸😎 。」
「頂癮但開心🤣😂👏🏻👏🏻👏🏻 。」、「我一見到都笑咗出嚟，係搞笑嘅😂 。」
「禮物嚟啫😆 都幾搞笑吖🤣 。」、「恭喜你獲得呢份限量既名貴禮品🎊 」
「真係物輕情義重😌 。」、「誠意滿分💯」
「個紙袋仲印埋名，好有儀式感 。」 、「緊係留返嚟交換禮物啦！」
聖誕禮物不在乎大小，最重要是餐廳充滿愛的行徑，抵讚。
圖片來源： yukie_kiekie@Threads