香港人最愛網購，特別內地網站淘寶、拼多多等，有網民近日分享自己家中的母親買拼多多「拼上腦」，不時瘋狂買物料DIY家中作全屋大改造，惹起網民討論安全問題。
港媽拼多多網購「拼上腦」瘋狂買料DIY玩設計
有網民在社交平台發文，指母親拼多多「拼上腦」買料DIY，「唔知你哋有冇拼多多拼上腦嘅老母呢？我老母自從接觸拼多多之後，佢嘅室內設計藝術家靈魂被激發出嚟。」
其後，帖主分享母親在家中DIY的作，包括浴缸改造、廁所門化身「labubu」、廁所自家砌磚、廁所牆身變雲石牆等，非常誇張；帖主又分享其母做裝修師傅的片段，可見她非常認真，「然後，佢油緊嗰個係屋企大門⋯⋯佢整到個廁所殘破不堪都算啦，而家仲要玩大門。算啦，成家人都勸唔到佢，放棄晒，由佢自由發揮」。
帖主又指，其母又將本來正常的鏡子，更換成拼多多「哈哈鏡」，令她非常頭痕，「關於塊鏡，其實用開嗰個冇穿冇爛好地地，我唔知點解佢要買塊$30都唔使嘅大鏡破爛到咁都要照黐上去⋯⋯」。
網民驚呼：遲早甲醛中毒
不過網民似乎就不太認可這種做法，認為會有不少潛在危機，更指有可能甲醛中毒，「其實油漆嗰啲嘢都係喺香港買返好啲，我就做開雜項維修嘅，曾經公司搵判頭買咗啲大陸油漆返嚟話好平，跟住叫我哋攞嚟試用啦，油完之後果埲牆啲油成個月都未乾」、「有啲嘢都係喺香港買返用好啲，貴就貴咗啲，起碼啲嘢用得同埋有咩唔妥攞返落舖頭換都得呀嘛」、「大陸油漆會中甲醛」、「甲醛中毒唔慌唔死...」。