一些貴價食品，上鎖防盜竊也有理由；不過，近期有網民發現，有個別超市竟將罐頭上了安全鎖，有圖有真相！難道罐頭已經要與平民恩物講再見？
社交平台專頁Sun Travel近期發帖文，稱看到超市有一片「罐頭奇景」，樓主憶述其後續故事：「上星期咪話午餐肉全部上曬安全鎖，咁我就send去問XX(大型超市)問，寫字樓回覆係公司政策。
點知今日再去睇，除咗午餐肉，好多罐頭包括豆豉鯪魚、鹹牛肉、沙甸魚全部都上曬安全鎖。係全香港嘅治安都變壞咗，定係只是元朗區？😅」
小編同問，為何平民恩物的罐頭會上了安全鎖呢？難道罐頭價格已經升呢，平民不再，要提防小偷盜竊？
超市罐頭上安全鎖迷思｜網民嫌麻煩：搵職員開鎖？咁煩我就唔買！
有部分網民都解答了迷思，「超市好多賊！」、「可知人工平到一個點！ 逐罐上鎖！ 相信非洲都唔使！」
亦有網民分析：「見過超市貓貓食嘅肉，呢兩年前全部落晒防盗，要揾員工話佢知要邊包、佢會放喺收銀等你去畀錢。😅😅」
另有網民有見解：「典線宣傳成效，等啲人覺得奇怪貼上網，變相同佢宣傳。」（看似有點道理。）
「好明顯唔關偷事，應該係有啲人玩罐頭。」
「睇嚟要做持槍security 😅」、「應該放入酒櫃，買叫收銀攞！」（好曲呀吓！）
「咁咪好容易唔小心拉開了小小？」
「要買就搵職員開鎖？咁煩我就唔買！」
「呢家真係食唔起，太貴又唔健康。」、「成本效益高過被偷？如果係既，咁真係好多小偷。」
究竟超市此舉是為了防止偷竊，抑或學網民說是有其他原因，成本效益確實較以往高！不過罐頭價格漸貴，也是無可厚非。
圖片來源：FACEBOOK專頁Sun Travel