市面上林林總總的包裝食物，甚至海產都有許多選擇。大家也關注健康，買包裝食物之時，當然要細心留意營養標籤。有網民早兩日聲稱買了兩盒合成帶子，好奇看看營養標籤，竟發現了驚天新世界的「帶子數學題」？
脆友__light8上載了開心大發現的數學謎團在社交平台threads，形容道：「話說今日母上貪平，用60蚊買咗兩盒合成帶子，我好奇睇咗吓營養標籤？？？？？竟然畀我發現咗新嘅世界數學謎團！」
究竟是什麼呢？該脆友續說：「點解每100克帶子可以有435克鈉㗎？我按照包裝打電話去問，佢哋竟然仲話無問題/唔係印錯。我當時完全畀唔到其他反應就cut咗線……，仲糾結緊要唔要留低食，定直接掉咗佢就算。」
該脆友不忘補充一下：「我一開始淨係關注佢係咪鈉含量超標，諗緊要唔要投訴。再仔細一諗，100克帶子入面，竟然可以含有400幾克鈉！🤡成件事有趣好多，應唔應該食呢？」
100克帶子VS 435克鈉，確實不太合邏輯及正常營養比例噃。
買帶子發現新世界數學謎團 鈉含量誇張比例｜網民揶揄：其實佢係賣鹽 成分有帶子
網民對於這個開心大發現，果然Ｏ晒咀，紛紛留言揶揄一番：「認真回，可以email相片俾食安中心，我都試過發現營養標籤有錯，又係間公司唔理，報食安，佢哋好快跟進。」
「職員：我食鹽多過你食帶子呀，竟然夠膽質疑我哋🫵🏻。」
「🤡43.5g 鹽都誇張。」、「估計係 435mg，整 packing design 嗰個炒得！」
「Healthy food👍👍🤌🤌，買鹽送帶子👍👍 。」、「其實佢係賣鹽，成分有帶子。」
「睇嚟唔只數學，仲係化學奇蹟😂😂😂 。」、「應該可以自燃！」
「435g鈉 ，食到腎虧未？！」、「食100克帶子嘅鈉，仲勁過飲一公升海水喎（誤）」。
圖片來源：__light8@Threads