潮流興足療，形形式式的足療服務，只需要安坐椅子中，就可以舒舒服服全身放鬆，近年深受工作忙碌的打工仔歡迎。不過，香港大街大巷，甚至在中環IFC附近的尊貴地段，竟然發現樓梯位也有「山寨足療」 服務？
脆友not.just.story在社交平台threads上載一段中環奇怪畫面片段，標明是「中環腳皮路」。
「好耐無過海，中環A出口去IFC條樓梯，上樓梯嘅時候，以為啲阿婆唔舒服喺側邊坐低。但發現對住坐有四組人，再認真望，原來呢班友喺度幫客磨腳皮同埋按腳！嗰個位又大風，行上去每一步，好似食晒啲腳皮嘅feel！」
「搞唔掂喎大哥大姐，去啲無咁食風嘅天橋搞ok！？」
嘩嘩嘩，在中環這處尊貴地段，竟然當眾在港鐵的樓梯位磨‧腳‧皮！有失身份之餘，人來人往，不單惹來塵飛揚，今鋪更是「皮飛揚」噃！土地問題，真的越來越悲哀！
「中環腳皮路」當街樓梯位摩腳皮按摩｜網民形容好可怕：中環揸feet人！
片段所見，果然有幾位婦人，席地在樓梯位坐着、等着埋位「山寨足療」。至於疑似提供服務的女士，亦有備按摩油而來，為客人進行按摩。
不受地域界限，莫非又便宜，服務又好周到？原來有不少網民也見過「中環腳皮路」服務！
「之前喺Jollibee嗰幢大廈對住大馬路批腳皮🌚，免費幫Jollibee食客加餐 」。（嘩！原來已經轉移陣地）
「按摩化妝修甲都見過。」
「中環揸feet人！」、「唔怪得啲人話香港會落雪！」
「勁呀，處處有商機 。」、「好可怕」。
影片來源：not.just.story@threads