住公共屋邨，單位較為密集，保持走廊通道暢通，不能隨便擺放私人物品和雜物，是常識吧。有安定邨居民卻在網上投訴，稱自己「畀人偷鞋」，又問網民是否治安差了很多，當然，帖文一出，被全城圍插兼鬧爆啦！
這位網民Ricky Cheung在社交平台FACEBOOK的安定邨專頁帖文，稱：「住咗定泰樓咁耐，第一次比人偷鞋，近期治安係唔係真係差咗咁多！」
Well，樓主上載了一張應該是鞋架的照片，只剩下四格鞋架，空空如也，鞋架應該是自行安裝在鐵閘門旁。小鞋架旁，還有兩把長傘子。
公屋戶被偷鞋反被圍插｜網民不留情面公審：住公屋就來霸埋天花都得！
不用說，樓主的後續，就是什麼失蹤鞋子也不要理住，被人狠狠插爆一輪先吧。
「咁自私嘅嘢係你好意思P出嚟，一定有好多人唔鍾意你的行為，拆咗幾塊板啦。」
「可能啲人唔鍾意你放門口阻路。」、「樓主開post係想俾大眾圍插？」（忠言，還是逆耳的。）
「嘩，抵你俾人偷，放地下由自可， 仲要將鞋架安實曬幅牆🤣，老X奉。」
「大家注意，鞋放在門旁，破壞風水會行衰運。」、「另鐵閘門唔好掛雨傘，會招陰。」（突然變了風水話題噃！)
「人地放土地公、你放鞋，好嘢。」、「住公屋就來可以霸埋天花都得！」
「可能唔係偷鞋，只係幫你丟落垃圾桶。」、「影響臭到街坊，通常都會俾人用黑色垃圾袋掉入垃圾桶，失物買教訓。」
「係咪嫌你啲鞋臭。」、「無拆埋鞋架已經好好彩。」
樓主，看來你要檢討一下呢。
圖片來源：Ricky Cheung在社交平台FACEBOOK的安定邨