有本地連鎖米線餐廳，食肆衛生問題再三受到公眾關注！網民近日上載新片到社交平台，分享其用餐中伏經歷，指在用膳期間，在桌上的筷子筒取出筷子時發現有「阻力」，竟發現筷子之間夾着麵包碎，勁嘔心，直言無晒胃口，不會再幫襯！
網友omg._.qaq在社交平台Threads憶述事件經過：「樓主同朋友們一齊放lunch，懷住又肚餓又興奮嘅心情行入舖頭，嗌咗最愛嘅米線，準備大飽口福。
頭兩個攞筷子嘅時候，完全無發現有問題0阻力，直到第三個朋友攞嘅時候，先發現癡住少少麵包碎，樓主即刻換另外一邊嘅筷子。本身心諗另外一邊應該無事嘅，仲講笑話：可能下面有更加多麵包呢😁。
樓主朋友好奇心and行動力Max 攞筷子時，對住個筒篤咗幾下，發現啲聲唔對路，仲要軟冧冧，就攞咗出嚟求證...結果！！ 😡」
完全有聲有畫面，再配合樓主拍下的片段，果然看到放在桌上的筷子，在取出時竟然夾着不少麵包碎，兼筷子筒底內，全都是麵包！救命，超不衛生，勁缺德！
連鎖米線店筷子筒夾着麵包碎｜樓主崩潰以後不會再幫襯 米線店回覆會紀錄在案
看到樓主的片段，真的非常嘔心，樓主還補充：「我嗰陣已經癲咗，主要係成件事好離譜，我發現有嘢之前，對筷子早就擺咗入口...😭 」，更直言以後都不會再幫襯該米線店！
另有網民直言：「咁樣養一兩晚，每晚收舖一定有曱甴爬過入去。」
「向上向下都一定污糟」。
不久後，該米線店在社交平台回覆顧客：「對於您不快的用餐體驗，我們非常抱歉。XX(餐廳名)向來非常重視食品安全及衛生情況，我們已立刻將是次事件紀錄在案，並會提升衛生及服務質素。 」
短片來源：omg._.qaq@Threads