冬日天氣乾燥，一不留神，家居失火真的一距之遙！有網民發帖文要「頒個獎給家中神貓」，原來全靠動物的本能，在千鈞一髮之際「聞到味」，及時阻止悲劇發生，更獲全城貓奴激讚！
火災悲劇，一宗都嫌多。脆友crazyfatball以「神貓救咗我全家」發布帖文，並簡述當日驚險情況。
「昨晚預備瞓覺熄哂燈，發現隻貓係咁聞梳化底，於是我行埋去，諗住幫佢搵番啲玩具老鼠啦。點知一行埋去，就聞到好大陣燒着嘢嘅味！我即刻開燈睇，原來梳化底已經出哂煙！！
全家嚇到即刻走哂出嚟，熄哂啲電掣，再檢查究竟係燒着啲咩，原來係張 XXX(沙發品牌名)梳化底下嘅電線自燃！！
真係好好彩有四阿哥救返全家，如果唔係昨晚一鑊熟！清理完後，四阿哥仲繼續周圍巡邏，真係要頒個獎俾佢呀！」
確實非常驚險，不過慶幸的是，樓主有神貓看門口，貓奴表示真心欣賞！其後，樓主亦有詢問該品牌的沙發電線為何會有自燃情況。
名牌沙發電線自燃神貓救全家｜貓奴激讚之餘 洞察電動沙發的安全性
帖文一出，各路貓奴紛紛留言大讚神貓事蹟，而且引起大家對家居電器的安全警號。
「真係要好好獎勵同愛錫🐱🐱」、「其實貓貓狗狗好叻，佢地對身邊嘅事物改變其實好敏感🥺，最重要都係奴才，要留意佢地的行為！ 」
「 前排我幢大廈嘅鄰居，就係電動梳化摩打着火，勁恐怖。」
「唔加餐、加返幾箱罐罐貓條唔得啦~」、「都好彩你咁乖，照顧四阿哥玩具先救返全家。」
「嘩！名牌唔係淘寶貨喎！質素咁差？！」
「全家的救命恩貓！」、「要獎勵一星期罐罐。」
名牌沙發電線自燃神貓救全家｜沙發品牌代表回覆：確保類似情況不會再發生
電動沙發的安全性，引起網民關注，樓主還在留言下補充，用電動沙發的電線要處理小心，更指火頭在電線處，連地板磚都燶了。
其後，該品牌的沙發回覆樓主，「多謝你同貓貓第一時間發現情況，安全真係最重要 🙏，慶幸見到大家無受傷。我哋希望可以聯絡你了解多些插頭電線情況，如果方便可以PM聯絡電話，以方便我哋內部跟進同檢查，確保類似情況唔會再發生。
我哋會盡力解決同跟進，再次多謝你嘅提醒同信任。」
圖片來源：crazyfatball@Threads