外出餐廳用膳，分分鐘「惹火」上身？有脆友在社交平台threads申訴，聲稱「食個飯都可以燒着條褲？」，咩事咁無辜辜？
脆友c.w.616在社交平台threads申訴事件：「食個飯都可以燒着條褲？🔥，還搞到二級燒傷，真係好L誇！」
「話說我同朋友去宋王臺的泰國餐廳食飯，嗌咗鱸魚食，佢下邊擺咗火爐，準備食嗰吓，突然feel到隻腳好熱🥵，就望吓枱底發生咩事？一望發覺。。點解着緊火⁉️我嚇到即刻係咁fing我隻腳，但係發覺越嚟越大火🔥。」
嘩，樓主好驚險噃！後續呢？
樓主繼續描述，「幸好隔離枱的陌生顧客反應好快，即刻用幾杯水想幫我淋熄個火，但係都無乜用。最後，有個餐廳員工斟咗一大盆水，一吓淋熄咗個火先無事💦，但係成個過程持續咗幾分鐘，唔講真係以為拍緊劇🤡。」
事主僥倖沒有燒親，不過如樓主說，「成件事太荒謬，完全想像不到會喺現實中發生！！✨」樓主還稱，當時並不為意，以為只是輕輕燒傷，原來事件發生之後兩日，燒傷的腳部生了水泡。
食泰國菜燒着條褲咩事咁「惹火」 ｜網民齊聲討：有無同餐廳追討兼賠償醫藥費！
樓主細心回想，並分析火舌來源：「有機會是火爐飄出咗啲細火花，飄咗落枱底，咁啱我着咗條運動褲，應該啲火花掂到我條褲，最後就着了火🥹。」
其實外出用膳，無啦啦搞到條褲着火，還要報銷埋，認真慘豬。網民看到帖文後，均為樓主齊聲追討！
「所以要着兩條褲。」、「送我落地獄💀💀」、「你很惹火❤️🔥」。
「你太好人喇，其實真係要報警，點會咁危險有火爐係枱底，我會claim佢賠償醫療費，兼後續治療費。」
「係咪腳都熏黑咗？ 😭見到都痛。想知條褲邊度買， 唔通以後連買衫褲都要防火🫢」。
「好彩你條褲唔係貼身褲炸😰。」
大家都對樓主的遭遇深表同情，不過報道出街後，該間餐廳暫未有任何回應，希望樓主早日康復。
事實上，現時大家聞「火」色變，即使外出用膳，也要格外小心至好。
圖片來源：c.w.616＠threads