農曆新年將至，大家辦了年貨沒有？年花、盆栽款式眾多，大家也是取個好意頭，過好年！有網民發現了一棵紅噹噹的蘋果盆栽，顏色鮮艷，粒粒蘋果漲卜卜，好美。不過，望真點，原來此蘋果樹有點古怪，是人工的嗎？
有網友在社交平台facebook專頁「✿～香港種植樂園～✿ 」發帖文，「今日睇真D.... 蘋果系列（留意第一幅圖）😅」
蘋果盆栽好靚噃！學該位網民指點，望真啲先！為何發現小小的蘋果樹，樹枝鑲有螺絲？明白了，蘋果是人工製，自行裝上樹枝上的，紅卜卜蘋果盆栽，現成加工，得咗！
紅卜卜蘋果盆栽竟是「現成加工」｜網民早識破蘋果樹造假：植物就係要植入！
有無市民中伏，買了這棵「造假」蘋果樹回家過新年？
一眾網民串爆留言，並替植物受傷可憐：「何苦要植物受到傷害呢😔。」、「棵樹好傷」。
「中國製造。」、「植物就係要植入。」
「詐騙手段層出不窮🙂↔️」
「好多年都知假啦🤣」、「好衰㗎，踢爆人哋😂😂」。
「下次香蕉，蘋果，橙，榴槤，都掛曬上去，可以賣貴啲。」
「老闆有無生果拼盤呀！」、「佢蠢啦，掛啲金幣上去嘛🥰。」
「都話係插上去嘅了😂，呢個騙局年年有🤣」。
「其實一向都係咁🤣估到估到啦，咁細棵樹邊可能咁多蘋果呀🤦🏻♀️。」
大家咁精明，得唔得㗎啫?!
圖片來源：facebook專頁「✿～香港種植樂園～✿ 」