大埔去年底自發生宏福苑五級大火慘劇，善後工作還未了。惟全港市民，近幾個月均陷入了聞「火」色變，慘變驚弓之鳥。明白的，始終大火慘劇，敲碎了無數香港人的心。
不過，有時只是因為個別家庭事件，點香燭，一點燭光引路悼念，也情有可原。有大埔居民GentleOlive9056在居民社交專頁「大埔 TAI PO」發文，背景為屋邨走廊，並感慨指：「中國傳統文化，社會安全問題。」
節錄樓主的長文：「中國傳統，家人離世，門口擺放蠟燭，為先人引路回家，以示最後一點心意及思念。宏福一事，香港人變得十分緊張。睇返近20年，香港有無任何一單火災係關於呢一支蠟燭嘅呢？無！如果你係呢一家人，當你仲未放低對離世家人嘅傷痛，有人對你嘅家人作出冒犯，你會有乜感覺呢？
樓主續指：「現代社會最重要係互相尊重，喺屋邨大廈範圍燃燒冥鏹，我當然唔贊成，所以我都有提醒家人，落街燒衣。但係今次到隔籬屋有家人離開，完成儀式之後，返到屋企擺放蠟燭，我心裏體諒，亦無向鄰居作出投訴。因為呢啲事唔係每日發生。」
然後，樓主變為驚動MODE：「大家咁驚火警發生，咁係咪所有家中明火，包括煤氣爐，Gas爐都要禁？電器漏電都會發生火警，咁係咪連電都要停埋？
希望大家可以理性少少，管理處遇到呢啲問題，係咪可以互相配合？例如定時巡查，擺放滅火筒係隔離等嘅措施？點解要半夜三更，收走人哋支蠟燭，棄置於垃圾房？」
原來，聽到樓主描述事件，應該是鄰居有白事，在家中自家大門旁擺放長明蠟燭。到半夜，管理處收走其蠟燭扔掉，樓主應是覺得有欠尊重，為鄰居討不平而發文。
家人離世門口點蠟燭被保安清走｜網民一面倒勸體諒：情同理未識分？家中有白事唔好多事
帖文一出，網民意見較為一面倒，普遍網民都覺得，即使是慘劇發生，但人情歸人情；白事，以及生活事經常與「火」有關，並不可能一刀切，更勸大家應該體諒家中有白事的哀痛，更狠批部分網民太過敏感。
「香港人永遠成日驚死，見到有小小火就嘈嘈嘈，自己淘寶淘電器唔危險？家中其他電器仲危險啦！」
「講真，邊有人想屋企有白事吖？若果見人哋屋企點白蠟燭都驚兼投訴既話，成日充電充通宵仲危險啦，咁係咪要驚到心臟病發？」
「又唔見以前公屋因而有大量火警。其實都係講自律。」
呢啲正常就應該無人夠膽出聲的，除非啲後生太年輕，睇唔出人哋有家人走咗，否則正常人係唔會夠膽出聲，大家都會驚冒犯先人。」
「家中有白事，唔好多事。」、「情同理仲未識分？」
「睇開點啦。當屋企人已經走咗，已經好多野要照顧。只係點一枝蠟燭啫，同埋有化寶盤遮住。相信屋主都有想過防火問題，你睇條走廊幾乾淨。」
「驚弓之鳥。大火災好多時都係啲人貪心用到盡的結果。包括貨堆到滿，用不防火材料。」
家人離世門口點蠟燭被保安清走｜戶主現身回覆留言 更新管理處最新安排
而聲稱戶主的網民，隨後現身說法：「我係戶主，我屋企人過身，還沒完成頭七，第二朝起身，支蠟燭就連個通個桶畀人掉咗。我想講枝蠟燭係防風，360度有嘢包住，只有上面有個窿通風。
作為業主，無收過管業處電話與保安話有人投訴。如果收到有人投訴，可以再諗辦法點樣做與解決。呢家家係直接收走通知也沒有，仲要同我講話凌晨三點鐘收走！我落去管業處與保安投訴，我問過管業處，如果家中門外擺放長明燈，係可以酌情處理，這件事完全無尊重過業主！」
亦有網民同意，即使是點長明燭，也應該要份外小心。
「應該放桶入面的，因為怕有風吹熄。」
「傳統有時都要變，例如用電蠟燭代替。長燒一晚又真係有危險，希望可以平衡一下。」
「就咁點支蠟燭放喺地下點都係危險，既然都有準備鐵桶，點解唔用呢。」
其後，樓主更新帖文，提到管理處最新安排：「通知住戶放一桶水在旁邊，另安排保安員每小時巡查」。
圖片來源：大埔 TAI PO＠facebook