20元紙幣 ，你和我經常都會收到和使用。不過，不能在香港銀紙上塗鴉，不用大家提醒吧！有網民收到一張二十元紙鈔，驚見銀紙上有「特別提示」，什麼來的？
脆友arrongood在社交平台分享帖文指明事件：「我真係唔想知你鍾意穿住條女人底褲！我淨係知你搞到我少咗張$20紙用！餐廳唔X收呀😀」。
樓主再補充，「Anyways留手足用，想同佢玩女人底褲，自己WhatsApp，我就無興趣啦😀」
原來，樓主拍攝到某天收到的二十元紙鈔，紙幣寫上：「我鍾意穿條女人底褲自己玩，吹你唔漲。」還搞笑用筆刪了銀紙上的編碼，改為寫上聲稱是WhatsApp的電話號碼，果然「吹漲！」
收20蚊紙驚見「特別提示」｜網民熱諷：做得出唔怕認擺明post仇家
又搞笑，又出色噃！怎少得網民你一言我一語留言呢，更不忘嘲諷樓主一番！
「做得出就唔怕認，擺明post仇家啦🤡🤡！」
「字幾靚😂 ，留友打電話 」、「個電話號碼可能係另一個受害人 😭。」
「擺明係你自己寫，人少少咪認咗佢囉 。」
都有正經網民獻策換鈔票，EASY！
「唱錢機、換左佢🙂↕️ 。」、「去銀行換返佢咪得囉。」
「攞去夾公仔機啲銀仔機，換4個5蚊銀啦醒目😹 ！」
「搭地鐵買飛唱咗佢 。」、「損壞紙幣，拎去銀行換走佢」。
「平時見畫花咗都會收嘅，但連number都間走，寫電話上去係咩玩法？」
大家切記，銀行發鈔，切勿胡亂塗花。
圖片來源：arrongood@Threads