今時今日，餐廳的服務態度，好重要！遇上突發事件，更懷疑「不認帳」時，食客觀感差，對餐廳大打折扣，換來一肚氣，還要唱衰餐廳，醜事傳千里就無謂！
有網民在Facebook「屯門友」發文，控訴屯門商場某間韓式炸雞店，用膳時驚見發霉了的木匙：「昨晚在屯門時代廣場的XXXXX(餐廳名)吃晚飯，叫咗個UFO芝士火鍋。」
「店員話好忙，擺低兩隻羹，叫我哋自己炒啲芝士。朋友一睇，就發現匙羹發晒毛！跟住同韓國店員溝通，起初佢話幫我哋換咗啲芝士，但因為霉菌已經掂到芝士， 成個換晒先安全。 」
「之後，佢就同我哋講，我哋無多餘嘅盤，最後我地就決定唔要，想取消佢。最激氣係，佢竟然發脾氣，掉一掉個盤，好大力咁揼落Gas爐度！」
這樣的服務態度，無分國籍，都好像有點問題噃！
事主繼續好嬲地描述：「首先發現食物有問題要求換，好正常丫。 同埋，當佢講無其餘既盤，我地決定取消，都唔係我地有問題。 但佢發脾氣，就真係態度好有問題！」
炸雞店發霉木匙勁驚嚇｜網民一面倒派嬲：一定要推上東張西望和東張+！
今時今日，如此服務態度，網民不公審才怪啦！網民一面倒派嬲：「食完即生cancer系列。」
「幸運地佢唔得閒幫你搞，否則..........................食曬D霉😨。」
「呢個真係好癲！」、「佢呢個邏輯，隻羹分分鐘洗完再用。」
「嘩．．幾耐先儲到咁多霉🥶。」、「幾耐無用過啊？發晒霉！。」
「隻匙羹啲菌好誇張😂，佢無理由咁都睇唔到😂😂。」、「發霉芝士，所以要配發霉匙。」
「發晒毛比人食。仲要向客人發脾氣😠⋯⋯簡直不知錯。」
「最唔明係點解要用木製嘅餐具，唔用不銹鋼？」(網民說對了重點！）
「要有呢個功力令到隻羹變成咁，佢地都花唔少功夫，所以一定要大力表揚一下佢地用心！！！」（超級曲！！）
「報食環+東張+！」、「推上東張西望！」、(幫緊你了！！)
炸雞店發霉木匙勁驚嚇｜新增食店社交專頁回應
事隔數天，相關炸雞店在他們的社交專頁作出了回應：
有關近日分店UFO芝士火鍋事件聲明
我們 Goobne Chicken 對近日顧客於本公司特定分店反映之產品品質疑慮及員工服務態度問題，本公司對因此造成的任何不便與失望，深表歉意。
本公司對相關意見高度重視。經內部調查後，我們確認相關分店在服務標準及營運管理上，未能完全達到本公司要求。未能為顧客提供期望中的品牌體驗，我們深感責任重大。
就此事件，本公司已採取以下措施：
• 於2026年1月24日，已將全部使用中木製餐具廢棄及更換為全新餐具
• 該分店將進行全面清潔及消毒，確保環境符合衛生標准
• 重新確認過度使用電源插座可能帶來的顧客及員工安全風險，並已即時改善
• 由總公司主導，重新檢視並完善衛生、品質及服務的管理標準
• 對該分店的整體營運及顧客服務流程進行檢查
• 對員工進行服務態度及應對標準的再培訓
Goobne Chicken深信，品牌的核心價值不僅在於產品本身，更體現在各分店的服務與顧客應對過程。藉此次事件，我們承諾將進一步加強內部管理與培訓，並重新確認與問題相關的產品品質，竭力防止類似事件再次發生。
圖片來源：Facebook社交專頁「屯門友」