洗手間二手廁紙識飛？設計的事，沒有最騎呢，只有更騎呢！近日有短片瘋傳，疑似是康文署場地的洗手間，一部乾手機的位置設計好奇妙，安裝在垃圾桶之上，大家想像到會有什麼「效果」嗎?
網友mattttttttttttheew上載短片並帖文：「突發💥，我朋友上完廁所，發現沒有比這個更onX的設計，好噁心🤢🤮。」
去片！果然，片段所見，洗手間配備乾手機好正常，用以讓如廁洗手完雙手可以哄乾，又可以減少使用廁紙，夠晒環保。
不過，片中的乾手機位置設計似乎出了事！當乾手機開了之後，由於風太大，乾手機正下方則放了一個垃圾桶，結果就演變為，將垃圾桶內用過的廁紙「反CUP」吹起亂舞，呆晒！有看過比這更荒謬的設計嗎？
乾手機下垃圾桶用過廁紙亂舞｜網民斥反智嘔心：好似好環保查實好老土
網民們看到片段後，無不痛斥此設計大癲！「唔好用乾手機啦，用完仲衰過去完廁所唔洗手。」
「啲細菌吹晒上嚟💥💥💥，本身風機就已經多菌，弱智環保傻X設計。」
「認真一講，風機吹曬啲細菌微水，滴落自己對手同塊面度，多數都唔會主動用 。」
「最唔鍾意用呢個，啲空氣全部都係屎同埋尿，用呢個吹落隻手度。」
「不如對住個屎坑。」、「好似好環保，查實好老土。」
亦有不少網民卻被這反智設計逗得開懷大笑：「請問喺邊度？好想去朝聖😂 。」
「我嚇親之後笑到XX😂。」、「最搞笑嘅係，唔知點解條紙巾可以吹唔走。」
「完全無諗過係咁，sldpk 😂😂😂😂😂😂😂😂😂。」
影片來源：mattttttttttttheew＠Threads