港鐵又有開心大發現！有網民發現，港鐵數碼服務站有接龍遊戲玩？接龍，好懷念啊！不過話說回頭，港鐵大堂的數碼服務站，原意是讓乘客賺取MTR分推廣活動，為何瞬間變了「接龍朝聖地」？
脆友hodavid1985上載一段影片到社交平台Threads，並搞笑配文：「邊個扮緊工🤣🤣🤣 。」
原來，位處某個港鐵站大堂的數碼服務站，懷疑是畫面不能正常運作，屏幕竟然出現Windows經典接龍遊戲，並不是靜止畫面！那些年的情景，好令人懷念！
未夠爆破，接龍遊戲顯示，「上一手」有人已經玩了54分鐘，並獲得135分，難怪樓主說，是有人正在「扮工」中！
港鐵數碼服務站驚見上世紀接龍遊戲｜網民笑爆：定係贏咗先拎到乘車優惠？
網民們一致看得會心微笑！「錯重點，而家仲有人玩接龍？」、「究竟有幾悶先至要玩接龍。」
網民忽發奇想表示：「定係贏咗先拎到乘車優惠呀。」、「玩接龍，玩贏咗有MTR分（大誤）。」
「佢等緊你完成埋佢！」、「邊一個發明了返工？返工喺度玩接龍。」
「原來MTR呢啲kiosk係行Windows 🤣🤣 。」、「其實顯示屏都係電腦。」
事實上，港鐵數碼服務站主要功能，是讓乘客透過互動方式賺取MTR積分，積分可用於兌換各種優惠和獎賞。
影片來源：hodavid1985@Threads