大除夕上畫的大熱電影《尋秦記》，上映一個多月以來，成為全城熱話！除了集體回憶以外，市場上亦掀起一片抽！卡！潮！一眾角色配合零食抽閃卡，有人閃卡落空，火速在二手買賣平台尋覓心儀偶像的閃卡，豈料，卻惹來被粗口問候的美麗誤會？
《尋秦記》粉絲rexlee0414在網上發出搞笑帖文，並指：「我真係無講粗口㗎😭。」所為何事？
看圖了解，應該是樓主在二手買賣平台尋卡，目標是宣萱飾演的「芳兒」烏廷芳閃卡，當賣家問樓主想要哪一張時，樓主口快快說了「WTF」，卻惹來玻璃心賣家的「反擊」！
對方回覆，「有我都唔俾你，你攞粗口鬧我先！拒絕出價！」。
樓主一片無辜辜地解釋道：「是烏廷芳，WTF是烏廷芳的簡寫。」
一片小學雞的對話未完，賣家怒氣未消指，「就係唔買俾你」，更坐地起價，閃卡一秒間抬價100元放售！
全城《尋秦記》抽卡潮 二手平台尋閃卡竟被誤會粗口問候｜「WTF」本尊宣萱親回：so sorli！
謎底好快解開了！好明顯，學網民們話頭，賣家完全不是《尋秦記》粉絲啦，連WTF都唔識。帖文後來更引得「WTF」本尊「烏廷芳」宣萱親回：so sorli！好搞鬼！
網民一片熱議：「你好哋哋WTF做咩呢🤣🤣」
「Wu Ting Fong，簡寫唔係WTF係咩？你肯定自己都成日講粗口，所以先第一時間諗到係粗口，好心你啦～」
「個post好笑程度1000。」、「香港人有幾唔鍾意睇字😭😂」
「烏廷芳縮寫明明就係WTF 😭。」
「個賣家好小學雞feel😂 」、「賣家係智障？」
「不如叫宣萱本尊幫你求情吖，話晒WTF係出自佢。。。🤣」（人家本尊已經親回了！）
「證明佢唔係真fans。」、「好明顯搵藉口抬高個價」。
圖片來源：rexlee0414@Threads