吸煙危害健康！有欠公德心的行為，更加要不得。有脆友日前在社交平台Threads痛斥，在等巴士期間慘遭無妄之災，原來樓主被一個從天而降的煙頭扔中，煙頭更疑似未熄滅，直線掉落其外套，並焫穿了洞，破了！
樓主yoyowu1118在社交平台發文：「WTF企喺巴士站，俾高空煙頭揼中，中咗個耳機，再入埋我件褸頂帽，仲要穿埋！」始作俑者的煙民非常缺德行為，超嬲。
可幸的是，樓主今次只是傷及了外套，沒有傷及身體皮膚，要不然真的可大可小。
「天降煙頭」外套慘遭焫穿煙民超無品｜網民一面倒鬧爆：真心覺得佢哋無公德心呢樣嘢
一眾網民們替樓主可憐之餘，當然一面倒派嬲，兼鬧爆該位擲煙頭的煙民吧：「所有煙鏟原地暴斃！」
「識得玩安全帶，都唔搞啲死煙剷！」、「淨係罰啲死煙剷，已經攞返唔少民意啦。」
「真心覺得佢哋無公德心呢樣嘢。」
各位網民情緒非常激動，無他，缺德的人真的有許多許多。
更有網民分享煙頭中伏經歷：「試過喺條街行緊，有個火車頭揸住支煙，對住我條白色裙疑似想燒我🥲。」
「縱火🤬！」、「煙鏟中嘅人渣… 」、「勁無品。」
「火車頭已經夠賤，呢個仲離譜，分分鐘會着火😵💫 。」
「報警同報東張，仲駛講！」（啱啦，記得要報東張！）
不過，也有煙民替自己平反：「我都食煙，都幾煙剷下，但真係唔係個個都咁」。
圖片來源：yoyowu1118@Thtreads