親子活動，本應是開心事。不過親子事，都要顧顧公德。今日網上流傳一段影片，片段中有一位小朋友疑似在後樓梯砌模型，噴色和上色，自己模型自己負責。不過留意返，在公眾地方沒有遮掩地塗鴉，不是太好吧。
網民goring_51轉載了片段在threads「後樓梯戰士」群組，並發出帖文：「兩仔爺一齊砌模型促進父子感情，係好事嚟嘅...但去後樓梯噴油之前，補返張報紙先噴得唔得啫？」
事緣今天網上流傳一段影片，片段中看到一位小朋友，相當熟手地為自己模型噴色和上色，實行自己模型自己搞定，好有責任感。之不過！看看片段背景，小朋友懷疑在後樓梯自「噴」自話，錯了時間，錯了裝備，不好意思，是沒有任何遮掩和裝備。
網上流傳孩童疑在後樓梯零遮掩為模型上色片｜網民擔心小朋友健康：咁細個就吸毒油！
在後樓梯噴色塗鴉，真的有違公德，網民一個二個鬧爆原Po片主之餘，最擔心的反而是小朋友健康！
「唔講公德心。更嚴重的是呢啲噴罐毒到傻，一定要戴豬嘴手套。咁細個直頭唔應該掂，佢仲要係無通風環境玩，命都短幾年🫠 。」
「房屋條例：在公共屋邨塗鴉會被扣分，累計達標會被收回單位。」
「真，噴還噴，都墊返啲嘢嚟噴，搞串晒個場！」
「無家教，無公德心，生嚟托咩。」、「唔關個細路事嘅，係老豆問題啫。」
「無公德心！唔墊野噴到後樓梯地板污糟哂都算啦…同個小朋友戴返防毒口罩先啦。」
「佢咁樣一定有事，咁細個就吸毒油，能夠希望佢哋以後唔好再玩呢啲毒油 。」
「原來後樓梯可以當正自己車房咁用。」、「收數佬都玩傳承！」
「就算無報紙，至少都放個模型盒遮吓😅。」
影片來源：goring_51@threads轉載片段