新年到，貪靚的美美整返十隻手指紅噹噹，應一應佳節，好意頭！不過，紅噹噹的潮色美甲，竟然「中晒伏」，慘變一條條「手指北寄貝」，笑反了網民。大家笑一笑，齊齊看看中伏製成品先講。
脆友xlok_munx分享中伏經歷：「咁多次北上整指甲都非常滿意，今次我終於瀨嘢了😌。請問大家相似度有幾多%？仲要對住呢10隻北寄貝過新年😃，Yeahhhh!!! 」
難得樓主自嘲得咁開心，讓網民望一望先，真的激似北寄貝噃！連小編看到都大笑，幾可亂真！
雖然成為了失敗之作，之不過過新年有笑料，都幾好吖，馬年快樂。樓主更打趣分享短片跟大家拜年：「Hello北寄nails和大家拜年🤣😃！」
「中伏」紅噹噹美甲驚變北寄貝｜網民齊齊分享北寄貝美甲圖
不過樓主不用擔心，You Are Not Alone！因為一眾美美網民，都齊齊分享她們的北寄貝中伏美甲圖，皆大歡喜，打和！
大家的「北寄nails」又如何？原來不只「北寄nails」，形形式式的中伏美甲圖都有，一時似「神位燈」，一時像一碟「肥牛指甲」，無比較，無傷害，好精彩！
「其實無對比圖既話一切正常，但係睇完北寄貝壽司，真係搞唔掂🤣笑死。」
「其實整得幾靚，但係呢個款呢個色，本身就好容易似北寄貝😂😂😂😂 。」
「🤣🤣🤣要加啲豉油。」
「喺羅湖成功忍到個師傅笑。」
圖片來源：xlok_munx@threads