情人節開開心心與另一半出去玩，潮玩彈彈床豈料迎來光血之災，佳節變「掃興節」，So Sad！樓主在社交平台嬲爆申訴發警世文，真的破財又谷氣。
事主szeejni在社交平台threads簡述事件：「情人節開開心心俾幾百蚊去玩 ，點知一入到場唔駛一分鐘，即刻喺彈床設施入面踩到釘！！雖然好好彩無拮曬入肉，但都拮到流血，釘頭仲要有啲生鏽🥲，唔知會唔會破傷風...」
樓主繼續論述責任一方的回應：「工作人員同我痴膠布後就走咗去，想不了了之。我和男朋友再揾返佢，要求有個解釋！點知對方話要等英國公司覆…所以無得即時比解釋我，淨係say sorry就無。
我哋企硬覺得太離譜，態度強硬啲，先話搵到香港公司會係三日後email我🙂。當時工作人員一開始剩係話offer我多幾張ticket，最後傾咗成粒鐘，先爭取到退款，已經無曬mood。」
不幸中之大幸，是樓主傷口不算深，「今次好彩傷口唔深，萬一整傷到其他地方，就唔係咁好彩💀💀。」
樓主當時帖文亦指，責任方仍未有合理解釋和跟進。
玩室內彈彈床不幸「踩釘」爆血光之災｜網民震驚好L離譜！齊建議事主打破傷風針
看着樓主的圖片，釘口都幾大粒，還正正插着在彈床處，一不留神「彈」得忘我，確實不會為意，好危險。
不過究竟是釘頭藏在彈床處，抑或是其他客人誤將釘頭跌在彈床，就不得而知。
網民看到好震驚，替事主不值之餘，並連番關心事主傷勢：「腳踩到已經好大鑊，如果仆親頭落地點算！」
「支持去醫院打破傷風針、但少事唔好call白車。」
「有無去打破傷風，後續要佢跟喎 。」
「除咗破傷風，唔知有無病毒，例如性病、梅毒呢啲，建議去醫院先，保障返自己。」
「美女你的腳沒事吧😭。」
「上次就衛生問題，今次就安全問題，下次唔知又咩問題💀💀💀。」
「好L離譜！建議真係去醫院打定針同洗傷口先，保障自己呀！ 所有單claim返佢！」
「痴線，《死神來了》情節嚟，祝你新一年唔好再中呢啲，中六合彩啦！」
祝事主早日康復，馬年行大運。
圖片來源：szeejni@threads