新正頭賀年菜講意頭，吃吃花膠滋補又吉利！不過近日食安問題備受外界關注，有網民更在自家煮花膠時驚現珍珠大頭針，相當危險。
脆友anson_mkh在社交平台Threads拍片發文稱：「花膠好靚，送埋珍珠髮簪，好彩𦧲(lur)得切，差啲死…」
片段所見，果然在樓主的賀年菜中，其中一枚花膠插着珍珠大頭針，並指當時其發現口內有異物。幸好，樓主沒有咬到口腔及牙齒，否則口部受傷就大件事了。
花膠驚現珍珠大頭針｜網民反應兩極：有支針喺花膠度會唔會太離譜？
不過，花膠有大頭針的帖文一出，網民反應不一，有些更懷疑樓主是「投訴L」，自家煮都不發現花膠有針，大驚小怪咁話，雙方各執一詞。
「自己發？洗花膠時見唔到咩？」
「真係，你理X得我點發點洗點煮，呢家就係有支針，如果X人係奧運會項目，我相信香港人屆屆都奪金。」
都有不少網民撐樓主：「洗嗰陣見到就唔會食到啦！就算洗嗰陣見唔到、食個陣見到又好，咁佢都唔應該存在支針呀大佬！你唔會預設你洗舊花膠有針喎，定係大家全部食慣有針的花膠？」
有網民試圖緩和氣氛留言：「好明顯係屋企人做啦，心照啦，唔好咁X蠢比屋企人煽動🤣🤣🤣🤣 。」
「食大閘蟹食到紮住嗰條咸水草都開post 就話啫，咁細支針浸洗，唔知有幾出奇。」
「有支針喺花膠度會唔會太離譜😓，即刻報食環 。」
「銀針試毒？！」
另有網民拆解花膠藏針，原來有原因：「我阿爸係賣花膠，佢話係曬乾嗰陣用嚟定型，賣出去酒店都好，都係顧客自已清，係咁㗎好正常。」
圖片來源：anson_mkh@Threads