新年流流，有大大隻毛公仔收，好開心呀！不過，有女生們不領情之下，可愛公仔就注定落單了。有將軍澳街坊看到垃圾桶旁有寶物！原來一隻黑白版的巨型Hello Kitty毛公仔變了孤兒，慘被遺棄在垃圾桶。一隻黑白色公仔、一個鮮艷的橙色垃圾桶，形成強烈對比。
有網民在社交平台facebook群組「將軍澳主場」發文：帶點無奈稱：「失物認領......過時過節要瞓垃圾桶，好可憐啊😪」。
最吸睛的是，黑白色的Hello Kitty原來幾靚！不過，亦有網民指有點心寒，因為一隻Hello Kitty毛公仔，會令人容易想起當年轟動全城的恐怖藏屍案。
巨型黑白Hello Kitty被遺棄在垃圾旁｜ 網民戥公仔慘情又可怕：硬係形住裡面有個人頭！
不少網民也替毛公仔慘情！「佢咁樣黑白都幾靚。」、「橙色襯黑白都幾靚呀！」
「新年流流比人遺棄 Hello Kitty，成個人都灰晒。」
「待領養！」
有網民亦看到毛公仔被遺棄經過：「啱啱見到個男仔閘內等人，個袋就係裝住呢隻巨嘢！」
「見到個男仔將公仔擺係到。」
有網民繼續跟進毛公仔的後續命運：「啱啱經過，應該好心人收留！」、「 願佢有好歸宿。」
不過，也有網民看到Hello Kitty毛公仔，總會讓人想起1999年，本港轟動全城的Hello Kitty藏屍案！
「大吉利是 。」、「硬係形住裡面有個人頭。」
啋啋啋，新正頭，大家好意頭，好意頭，不用怕，不用怕。
圖片來源：facebook群組「將軍澳主場」