貴為香港特色的茶餐廳，最重要是快靚正！不過，有食客近日表示，在本地一間茶記開餐，叫了一碟碟頭飯，卻等到寂寞到夜深，都未等到菜遠肉片飯上枱。而對方的冷漠回應，更令到樓主嬲爆！
網民在facebook群組「香港茶餐廳及美食關注組」發帖文，指某日光顧一間茶餐廳，下單叫了一碟菜遠肉片飯，以及一杯飲品。豈料，你有沒有想過，一碟碟頭飯居然要等足足一個小時？
樓主描述指，過了一個小時後，仍未有食物上碟，並有追問了侍應，豈了對方卻一味叫樓主「飲住嘢先等吓，有杯嘢飲就一定有單！」的冷漠回應。
最慘情是，樓主眼看茶記全店只有約十位食客，並不是高峰的吃飯時間。期間，更看到有個別熟客十分鐘已經有食物送到，大感不滿！
茶餐廳叫碟頭飯竟要等一粒鐘咩玩法｜ 網民鬧爆離譜：煮九大簋都出菜啦！
樓主茶記帖文一出，網民們當然齊聲鬧爆啦！有無搞錯，吃茶餐廳都是想快和信心保證啫。
「有時餐廰執笠係有原因！」（一句中的。）
「去隔籬買一盒，倒返出嚟都唔使咁耐。」、「一粒鐘煮九大簋都出菜啦！」
不少網民都大讚樓主其實極有耐性，「茶記等一個鐘，反枱啦！」
圖片來源：facebook群組「香港茶餐廳及美食關注組」