酒樓文化，總有一套潛規則。不過大家有沒有聽講酒樓要收「滾水費」？有網民稱最近在某酒樓飲茶，除了收正常的茶位費用以外，竟被額外收取一筆名為「滾水費」，大家有聽過嗎？
網民在 Facebook群組「香港點心關注組」發帖文，問問網民關於「滾水費」的問題，指：「唔明點解滾水要收錢？」
果然，大家一聽到「滾水費」無不困惑，看看原Post的帳單，普洱一欄，三位共24元；對下一欄是滾水，一位共8元。
酒樓要收滾水費？｜網民反應不一估計另有原因：可能茶葉同滾水分開計！
帖文一出，大家都紛紛對「滾水費」收費很好奇，亦有網民作另類猜測。
「而家飲茶平均都$13-15位茶錢，我估呢間將茶葉同滾水分開計，可能有唔同茶葉唔同價錢掛。」
「不過總數平均唔使11蚊位茶錢，我又覺得正常。」
至於大感不滿的網民一律派嬲：「殺雞取卵，短視！」
「啲茶客係自己帶茶葉。」、「啲水要滾梗係要收錢！」
「呢啲小家做法，最後只係啲客唔再嚟！」
「水冲茶另計，可以剩吃茶葉。」（這個留言好精警。）
「問你幾多位、食啲乜嘢、飲乜嘢茶，都未收你談話費！」
「飲茶唔包滾水，真係第一次聽！」
圖片來源：Facebook群組「香港點心關注組」